عرض مشاركة واحدة
الصورة الرمزية محمد النصره الشراري

محمد النصره الشراري

الشاعر والمستشار الخاص للمجالس

اقتباس:
المشاركة الأصلية كتبت بواسطة المحيط مشاهدة المشاركة
من العايدين وكل عام وأنتم بخير


اهداء للشاعر القدير/محمد عطالله

في بعض الاحيان قلب الآدمي يدله=له عين تقداه لكن مايشوف ابها
لأبرق له الليل با الهوجاس وارعد له=يرقا على كل ملمومه ويرقبها
على ظهر مهرةٍ لأراد تجرد له=غرّا على الكيف تسرج له ويركبها
يارد على كل جمٍّ عذب تارد له=ويطرب على كل جرّة صوت تطربها
ياهاجسي شد مابه شي تقعد له=رجلك عن ارضٍ بها ضيقتك غرّبها
وكيلك اللي جباه الخلق تسجد له=ربٍّ كفوفٍ سمت له مايخيّبها
لي صاحبٍ يستقيم الميل من عدله=رجلٍ فناجيل كل الشّعر يشربها
اطرب لصوته بعذب القاف واسعدله=يوم المثايل بكل ادراك يضربها
انا اوّل اللي بصم بالعشر واشهدله=واستشهد بكل حكمة بيت يكتبها
كن القصايد دلع غيدٍ تودد له=واسعدهن اللي لها بالحرف ينسبها
ان هاج موج القصيد الصعب يركد له=لما على السيف موجاته يرتبها
حبات لولو على السلسال تعقد له=باسلوبةالخاص والحساس يسحبها
ياطاير الدوح با اجمل لحن غرّد له= بأحدث مواويل شعر الحب واعذبها
شوفوا..قصيدي وهو لي صار يشرد له=حتى حروفي قدر لحماه يجذبها


الشاعر القدير:صالح علي المنيع
الشاعر القدير صالح المنيع تشرفت بمعانقت هذه الدره وكما عهدناك دائما تاتي بالجزل الذي يروي عطش الذائقه التواقه لشعر الحقيقي
والشكر موصول للمحيط الذي اتحفنا بهذه الفارعه
ويستاهل الشاعر محمد عطاالله
وكل عام وانتم بخير