عرض مشاركة واحدة
الصورة الرمزية طالب الأسمر

طالب الأسمر

المستشار الخاص للمجالس

اقتباس:
المشاركة الأصلية كتبت بواسطة المحيط مشاهدة المشاركة
من العايدين وكل عام وأنتم بخير

اهداء للشاعر القدير/محمد عطالله

في بعض الاحيان قلب الآدمي يدله=له عين تقداه لكن مايشوف ابها
لأبرق له الليل با الهوجاس وارعد له=يرقا على كل ملمومه ويرقبها
على ظهر مهرةٍ لأراد تجرد له=غرّا على الكيف تسرج له ويركبها
يارد على كل جمٍّ عذب تارد له=ويطرب على كل جرّة صوت تطربها
ياهاجسي شد مابه شي تقعد له=رجلك عن ارضٍ بها ضيقتك غرّبها
وكيلك اللي جباه الخلق تسجد له=ربٍّ كفوفٍ سمت له مايخيّبها
لي صاحبٍ يستقيم الميل من عدله=رجلٍ فناجيل كل الشّعر يشربها
اطرب لصوته بعذب القاف واسعدله=يوم المثايل بكل ادراك يضربها
انا اوّل اللي بصم بالعشر واشهدله=واستشهد بكل حكمة بيت يكتبها
كن القصايد دلع غيدٍ تودد له=واسعدهن اللي لها بالحرف ينسبها
ان هاج موج القصيد الصعب يركد له=لما على السيف موجاته يرتبها
حبات لولو على السلسال تعقد له=باسلوبةالخاص والحساس يسحبها
ياطاير الدوح با اجمل لحن غرّد له= بأحدث مواويل شعر الحب واعذبها
شوفوا..قصيدي وهو لي صار يشرد له=حتى حروفي قدر لحماه يجذبها

الشاعر القدير:صالح علي المنيع

^
ابدااااااع وتألق من شاعرنا الكبير ابوبدر

ويستحق الشاعر الكبير ابوعبدالله

شوفوا..قصيدي وهو لي صاريشردله=حتى حروفي قدر لحماه يجذبها

ياسلاااااام

صح لسااااان ابوبدر، والله يعطيك العافيه يالمحيط
وكل عام والجميع بخييييير


تثبيت

لا شيء ... يستحق !!

.
.
.


سبحان الله وبحمده ..... سبحان الله العظيم