عرض مشاركة واحدة
الصورة الرمزية محمد النصره الشراري

محمد النصره الشراري

الشاعر والمستشار الخاص للمجالس

شفت القمر مشفق واحسبه عجايب=أثر القمر مثل الوطى حصو..وتراب
الله يجزا..مبهمات السبايب=خلني ادري وش ورا..قفلت الباب
يابدر..قل لأهل العلوم الغرايب=لايفتحون الباب والريح منساب
يابدر..كان الجو للنذل طايب=ترا..الردي لو. غاب للخير ماجاب
يابدر..قله لايشد الركايب=في ذمتي ماهو. كفو عد وحساب
لايحسبني ميت النار هايب=يوماً راسي عن قليل الوفا غاب
غايب ولاني عن هل العرف غايب=مايدرك احضوري سوا.أول الأللباب
بيض الوجيه مهونين الصعايب=كسابة الطوله عريبين الانساب
ولا الخدوش مكثرين الطلايب=الي لهم. لجه. وظجه. وضبضاب
عنهم طلبت الله جزيل الوهايب=جنبت مجمعهم وصكيت الابواب
مدرك وراسي من قسى الوقت شايب=صارعت غبتها لما عارضي شاب
افهم وميز بين مخطي وصايب=وغضي ونا ادري وش ورا..ضحكت الناب
يسقيك يامدهل كعام النوايب=من مرزماً له تالي الليل قبقاب
يروي جنابك من رباب السحايب=غراً..سناهن باالدجى يلهب الهاب
دهماً هدبهن لون شقر الذوايب=باطرافهن تالي حمار الشفق ذاب
لا رخن هللهن فوق روس الجذايب=وعلى السهل طامي زبد سيلهن راب
لارون ظمى هاك الفياض الرحايب=طابت لي الدنيا وفكري بهن طاب
دلهت روحي والليالي نهايب=اطلب رضى ربي وللعمر طلاب
يالله يامدير..الفلك والهبايب=تجعلنا عن هفوت الحظ مجناب
انا بوجهك عن سموم اللهايب =عفوك. ومغفرتك. وسترك لنا باب