عرض مشاركة واحدة
قديم 06-08-2010, 01:40 PM   #10 (permalink)
محمد ابوذينه
الـــمُـــديـــر الـــعـــام


الصورة الرمزية محمد ابوذينه
محمد ابوذينه غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Mar 2007
 أخر زيارة : يوم أمس (10:30 PM)
 المشاركات : 8,830 [ + ]
 التقييم :  1558
 الدولهـ
Saudi Arabia
 الجنس ~
Male
 SMS ~
اللهم إنا نسألك....
زيادة فـي الـــديـــــن
وبركة في العمـــــــر
وصحة في الــــجسد
وسعة في الـــــرزق
وتوبة قبل المــــوت
وشهادة عند المـوت
ومغفرة بعد الــموت
وعفوا عند الحساب
وأمانا من العــــذاب
ونصيبا من الـــــجنة
وارزقنا النظر إلى وجهك الكريم
اللهم ارحـــم موتانا وموتـــــا المسلمين واشــــفي مرضانا ومرضا المســــليمين
اللهم اغفر للمسلمين
والمسلمات والمؤمنين
والمؤمنات الاحياء منهم والاموات
اللهم ارزقني قبـــــل الموت توبة وعند الموت شهادة وبعد الموت جــــنة
اللهم ارزقني حسن الخاتمــــة
اللهــــم ارزقـــــني المـــوت وانــــا ســـــاجد لك
يـــــا ارحم الراحمين
اللهم ثبتني عند سؤال الملكـــين
اللهم اجعل قبري روضة من رياض الجنة
ولا تجعله حفرة من حفر النار
اللهم اني اعوذ بك من فتن الدنيا
اللهم اني اعوذ بك من فتن الدنيا
اللهم اني اعوذ بك من فتن الدنيا
اللهم قــوي ايماننا ووحد كلمتنا
وانصرنا عـــلى اعدائك اعـــداء الدين
اللهم شتت شملهم واجعل الدائرة عليهم
اللهم انصر اخواننا المسلمين في كل مكان
اللهم ارحم ابائنا وامهاتنا واغفر لهم وتجاوز عن سيئاتهم وادخلهم فسيح جناتك والحقنا بهما يا رب العالمين
وبارك اللهم على سيدنا محمد صلى الله عليه وسلم
لوني المفضل : red
افتراضي رد: [)۩¤°⁄⁄(« موسوعة الغاز المجالس الشعريه بحلولها المخفيه »)⁄⁄ °¤۩(]



بارك الله بك اخي ابوسامر

مجهود كبير بالفعل اعانك الله , كيف جمعت هذا كلة .

موضوع قيم بالفعل ويستحق التقييم وبقوة فالمجهود والفائدة كبيرة جداً جداً خاصه لامثالي ممن يحاول تعلم حل الالغاز.

وفقك الله ورعاك.




بعد اذنك ابا خالد استخدام المشاركة لوضع الغاز فيها (( ابو سامر ))

اااا¤۞«(415)»۞¤ااااا
ويش الذي مجهول كل ماصعد فوق..........يصبــــح صعوده هو بداية نزوله
أمه لها من غالي الحــــب والشــوق..........لوهي مريضــــة حال وإلا معلوله
لو قيل مسبوقن فلاهـــو بمســـبوق..........في درب له جوله وجوله وجوله
ذا محمله مركوب ولا فيه مفـــروق..........إذا فهمت اللغــــــز عطني حلولــه
صاحب اللغـز/ نايف بن علي العنزي

صاحب الحل / الوســـــم
************************************
******************
اااا¤۞«(416)»۞¤ااااا
من حلال عيالها ماهم حرام..........بالحلال بظـــل أمهم عن الحــــرام
والعفيفه إظلموها بالــــحرام..........وفي ضناها ظالم(ن) جاء وظلمها
صاحب اللغـز/ نايف بن علي العنزي

صاحب الحل / السـ(العابر)ـامر
************************************
******************
اااا¤۞«(417)»۞¤ااااا
بنتن لرد الحيـف بالخير مذكــــوره ..........في خـدرها جالسه للساعة تناديها
تطري عليك في حزة تسمع الثوره..........لاثورت بعض البنادق كل ما فيهــا
وأحيان بنت أمها تكــون مستــوره..........وماتجـــــي دايم مــع أولها بتاليها
وافطن لبنتن للشيل الحمل مجبوره..........جنيتن للشقـــاء ترفــــع مواطــيها


صاحب اللغـز/ نايف بن علي العنزي

صاحب الحل / عاشق طبرجل
************************************
******************
اااا¤۞«(418)»۞¤ااااا
ياويش ورع(ن) دوم خوان للناس..........خوان صادق مكلفن في قراره
متخفـــــــي ولايذ وباين وحساس..........وأحيان مجلاسه يوضح مساره
صاحب اللغـز/ نايف بن علي العنزي

صاحب الحل / الوســــــم
************************************
******************
اااا¤۞«(419)»۞¤ااااا
أسمه شريف الكون وافي الخصايل ..........أبو مساميع البشر زاهينا له
معزبا لأهل الوفاء والفضايل..........معدوم الرداء صرحن يافاطنله
تشوف به قوم ن حيودن شكايل ..........ماكر جناب المجدوالطيب كله
من دشبه يسحر بكبر الجمايل..........ويسلم جناب اللغز واللي يحله
صاحب اللغـز/ نايف بن علي العنزي

صاحب الحل / السـ(العابر)ـامر
************************************
******************
اااا¤۞«(420)»۞¤ااااا
متشاركين بنفس الأسم وحجم الأجسام..........ومتخالفين(ن) بالفعل والســــريره
والعمر واحد بينهم بنفس الأيام..........ومتقارنين بنفس الجسم والمسيره
واحد معاه الشر من وين ماقام..........وواحد معاه الخير ضد لخشيره
وعين أمهم ماترقد الليل وتنام ..........لها زمان بشرها مستطيره
صاحب اللغـز/ نايف بن علي العنزي

صاحب الحل / السـ(العابر)ـامر
************************************
******************

عــــددابيات اللغـــزصاحب اللغــزالحل و صاحبــه
421
ياويش رجلن له مكانه عظيمه..........كنه يتيمن في بداية حياته
أبوه عاف أمه وأمه كريمه..........أمه حكيمه وعلمها جاء ثباته
اللي ولدها صار أكبر غنيمه..........وأبوه أعجب فيه حزة صلاته
والحكمه اللي أصبحت ذات قيمه..........مضالها عشرين وبين صفاته
نايف بن علي العنزيحله الوســـم
422
هذيك بنتن تحمل الخيروالضر ..........الخير فيها متساوين مع ضررها
مجهول فيها الخير ومجهولة الشر..........ولا فيه أحدا في حياته شكرها
نايف بن علي العنزيحله // شوشه الشراري
423
ياويش ورع ن بالثريا مساره..........قدره وضيعن لو تعلا مقامه
يشيد على وجه البسيطه مناره..........شوفه للعين الشف كنه علامه
نايف بن علي العنزيحله عاشق طبرجل
424
ويش بنتن لاحللت ولا حرمت ..........مابين الأثنين جاء منزالها
الطروش تمرها مرت ورحلت..........ماذكر مخلوق ملك في جالها
نايف بن علي العنزي حله ابن البلد
425
شيء خلقه الله بين مارد وبين أنس..........والطبع بارد قلت رجلا شمالي
طبعه كريم ولو عاند له الطقس..........من دونه تدنق روس الرجالي
نايف بن علي العنزي حله شمالي1387
426
رجلين من أول واقفينن عل ساس..........واليوم بالميقاف مافيه داعي
والأسم رجلن ثابتن تقل حراس..........تجيه العواني من بعيد المساعي
اللي تجيه الناس من كل الأجناس..........قدره كبير ولكن اليوم ضاعي
نايف بن علي العنزي حله مزيد الشراري
427
رجلن على مايزعج الناس يامرك..........ومصاحبك بعض البشر يكروهونه
وأفهم كلام اللي بقوله يحذرك..........ينقص حساب من زودها يرتجونه
نايف بن علي العنزيحله ابن البلد
428
سود الخدود اللي كما دامس الليل..........وأشقاهن ورعن لاجين في حشاهن
يوم أسرجوهن للعنى والغرابيل..........الورع زاد بطونهن من شقاهن
نايف بن علي العنزيحله عاشق طبرجل
429
رجالن لفونا من قبل عشرة أعوام..........متخالفين بفعلهم والخطاوي
إعمارهم يبنى على روس الأقلام..........ماهو بتكرار العدد والنباوي
أطيبهم اللي شايل الأسم قدام..........حتى تبين مثل علم اللحاوي
نايف بن علي العنزيحله الوســـــم
430
ياويش رجال نهار الشدايد..........نفاع ومن نفعه تجيك المضره
فيه المثل قالوا مثل القلايد..........عن زود منفوعه كفى الله شره
نايف بن علي العنزيحله الوســــــم
431
بنتن لهواها تخضع أرقاب وأحزاب..........كم من شجيع ن عاندته بهواها
في ملك عودن للعذاريب شذاب..........والبنت مشهوره ويعرف نداها
نايف بن علي العنزيحله طيب الفال
432
أنشدك عن ورع في ذمته عود..........العود لولا الورع خطر يذبحونه
العود محدودن على ورع مفرود..........الورع مخطور العرب يفقدونه
نايف بن علي العنزيحله بن فريح
433
وش البنات اللي على الوصل شفقات..........عاشن سنينن في كنف من ولاهن
وبأسباب والدهن راحن شتيتات..........رغم أن أبوهن مأغتنى عن لقاهن
مع جور أبوهن هالعذارى سموحات..........جادن لأبوهن بوصلهن من رضاهن
وعزن أبوهن هالبنات الرضيات..........سنين أبوهن عايشن في إحماهن
الله جمعهن هن وأبوهن سنوات..........والجد جاهن وعودن في بلاهن
الجد شتت شملهن مثل مافات..........ولازال باقي بالعذارى وفاهن
نايف بن علي العنزيحله السـ(العابر)ـامر
434
ويش بنتن مع الرجل اللي تحده وتحديه..........أم للي مع بنات البدوا علمه وسهمه
له من حال الضبي شيء محتاج إليه..........لصار بيدين البنات واللي تعرفه ترسمه
البنت بميدان الرداء اللي تصيبه تحتويه..........لاوقفت عند الرجل بين عضمه ولحمه
نايف بن علي العنزيحله الوســــــم


********************

*********************
عــــددابيات اللغـــزصاحب اللغــزالحل و صاحبــه
435
ثنتين في ميقاف العنا والمصايب ..........بحدودهن حد الخطر بالغصيبه
لبردن زادن بزود اللهايب..........وصارن الضرر بوجودهن والمصيبه
الكاسحات اللي يصيرن غرايب..........تصبح مضاربهن كبارن عطيبه
ماعاد صارن من حساب الحبايب..........لصار دايم يدفعن الضريبه
نايف بن علي العنزيحله السـ(العابر)ـامر
436
ياويش بنتن غارقه في وسط لجه..........مثل سباح البحر في وسط جمه
والولد في راسها للعلم حجه..........والحقايق كــلها هاـلورع تمه
بنت تشرب من الهماج اللي تمجه..........بظلمتينن ظلمتا من فوق ظلمه
نايف بن علي العنزيحله //نواف محمد النعيم
437
ياويش بنتن لها سنين حامل..........حملن تشيله مانزل من حشاها
هي صامله بالحمل والحمل صامل..........لو مات فيها الحمل يسبب فناها
نايف بن علي العنزيحله غيم الشمااال
438
ويش بنتن مالها وجهن حياوي..........ودايما هالبنت في حال المضره
كل ساعه وكل لحظه له هواوي..........البنت حامل وحملها أسباب شره
لو تهان البنت له قدرا علاوي..........واللي تزبن وسط داره ماتسره

نايف بن علي العنزي حله السـ(العابر)ـامر
439
بنتن هنوف حامله دون رجال..........وأخوانها في حملها شهروها
أعطت ضناها لجدته سقم للحال..........اللي لقوها وغيرهم باشروها
نايف بن علي العنزي حله السـ(العابر)ـامر
440
مجموعة رجال(ن) محيطين في بنت ..........بنت(ن) عزيزه ساكنه راس قمه
تشيل رجَّال(ن) لو به تمعنت..........رجـل(ن) عجيب وهايـلا في المهمه
مهما تحاول تعرفه ماتمكنت..........اللي وجوده ياهل العرف حكمه
نايف بن علي العنزي حله السـ(العابر)ـامر
441
رجلن معايش أربع أجيال مابار..........من أرض العراق يسير لأرض الكنانه
الجيل الأول كان مجلوب للنار..........والجيل الرابع زود الله شانه
مع البدوا له سيرتا علمها سار..........ساق البشايرمن مكان لمكانه
ورد للعيونن ناضحه وجمها غار..........بعد الجفاف تعيش أحلا زمانه
نايف بن علي العنزيحله العملاق
442
عينين بين أثنين بليا مسافات ..........متبينه وحدة والأخرى خفيه
وحده نظرها خلف بليا إشارات..........إن كان في هاذي وإلا بذيه
وحده تنام ولا عليها خلافات..........ووحده تبحلق كل صبح وعشيه
نايف بن علي العنزيحله بن فريح
443
اللي تثنى وإنثنى من ثنيته..........ثم إلتوى ولاويه لويا على لوي
ويش رجما لامن جيته رقيته..........معاك بالصحبه كنه رفقة خوي
في موقعا يخدمك وأنت إبيته..........ماهو قريبا منك ولا هو من ذوي
رجمن خدمك وتخدمه لبقيته..........دامك على هالرجم ياصاحبي قوي
علمني ياريعيه وشلون جيته..........اللي يصير أحيان عندك بالحوي
نايف بن علي العنزيحله عاشق طبرجل
444
بنتن لها مع غيبة الشمس جيه..........تفتح مخازن المبهمات القديمه
بعض البشر مطموس عن هالبريه..........ولا حسب لحسابها أي قيمه
اللي موفيها صبح وعشيه..........بنته سليمه بالنوايا السليمه
نايف بن علي العنزيحله غيم الشمال
445
على طلبك أبحرت بفكري ورايه..........وأعطيك من فيض القريحه إزلالي
كل (ن )له بدنياه شفن وغايه..........وأنا غايتي مكسب قروم الرجالي
وطلبك يالمنعور مثل الوصايه..........والله يقدرني وأجيب الجزالي
ياويش رجال (ن) حكى له حكايه..........لا هو حقيقة أمر ولا هو خيالي
يحكي على الميت بغصب وعصايه..........في مقبلاتن عوج أو هن إعدالي
صدق مع اللي كاسبين العنايه..........وفي غيرهم يالربع فيه إحتمالي
نايف بن علي العنزيحله ابن البلد
446
وش البنات الثلاث المزايين..........مابين عشاقن ومابين خطاب
محرّمَن الجمع مابين ثنتين..........ويجوز وحده لاحصل بعض الأسباب
وجمع الثلاثه جايزن بالقوانين..........لكن تراهن يتعبن كل طلاب
نايف بن علي العنزيحله العملاق
447
أختن وأخوها حالهم ياعرب حال ..........مع أمها حيه ويموت أخوها
حياته بليل الدجاء والصبح ينزال ..........فوق الثرياء ونجمها وصعدوها
نايف بن علي العنزيحله العملاق
448
بتنتن هنوفن تغري قلوب وألباب..........قلوب النشاما من هـواها مغـاليـل
تاقف لها العالم محبات وإعجاب..........وتبرك لها عوص النضى بالمحاميل
وتسهر لها سود النواعس والأهداب..........وأصبح لها عيال الحمايل مراسيل
عالي نسبها من عريبات الأنساب..........وداخل حشاها متعب الهجن والخيل
نايف بن علي العنزيحله عاشق طبرجل


********************
**************
عــــددابيات اللغـــزصاحب اللغــزالحل و صاحبــه
449
بنتن بداخل دائره مستديره..........تعطي أرقام العرض وتذكرلك الطول
داخل محيط الدائره وهي صغيره..........مكانها محسوس وبين ومجهول
تجي من خلف الروس هالقصيره..........وتدخل بيوت الله مع رجل محمول
نايف بن علي العنزيحله عملاق
450
ياويش حي ن ماوطى الأرض مره..........بس شافها مره ثم بعدها مات
نفع أثنينن من الشقاء والمضره..........في جيته عاشت شعوب العروبات
نايف بن علي العنزيحله //عاشق طبرجل
451
ياويش أثنينن كلفوا في مهمه..........وجتهم منيتهم بعد التكاليف
واحد لقوه وسابح ن وسط دمه..........والأخر مات ولا تبين ولا شيف
نايف بن علي العنزيحله السـ(العابر)ـامر
452
أنا بنشدك عن ميت أكل له حي..........وأصبح الميت له الميزه وله المعروف
ستر عيبه ولا يدريبه أهالي الحي..........وصار الحي بالميت هو الملزم المكلوف
نايف بن علي العنزي حله السـ(العابر)ـامر
453
ويش رجل غش به أخون لخوه..........الرجل له قدر ومعروف ن كبير
على غفله ماحسب للي حسبوه..........وزاد دمع العين بالهم الكثير
نايف بن علي العنزي حله السـ(العابر)ـامر
454
أسئلك عن رجال في بنت وحيده ..........الرجل ميت وفي ذنوبك يعلمك
البنت ماتت من سنين عديده..........والرجل لو كلمته ماهو بفاهمك
نايف بن علي العنزي حله العملاق
455
بنتن جابت توم بناتن أثنين..........وأسمها على أسم رجالن جليل
البنات لها الخلايق منحنين..........والرجل له فرض ثابت بالدليل
نايف بن علي العنزيحله أبو طارق
456
بنتن بكل الناس أقوال وأفعال ..........وليا مشت تسري مسـاري بـعيـده
من روح النفس يجيلها نوبن أقوال..........وإحيان من حبر القلم مستزيده
وأحيان بالتصوير مشهد وتمثال..........شوفك بعينك والمشاهد أكيده
مقطوعة نسب لو لها حزب وأجيال..........تتجر بها ناس وبها مستفيده
تسفر مسافاتن بعيدات وأميال..........لها مقام أحيان مقام الوليده
قد شاركت في حرب هتلر بالأفعال..........اللي على السوفيت تجاوز جليده
نايف بن علي العنزيحله العملاق
457
وش الثلاث اللي فيهن هوى بنت..........بنتن هواها مع ثلاث البناتي
منهن اللي في هواها تعنت..........تمشي مماشي الشين بكل الجهاتي
وحده على كل الفعايل تمنت..........مابين زين وشين تأخذ وتاتي
وحده عزيزه للرداء ماتدنت..........ونامت قريرة عين بزين المباتي
نايف بن علي العنزيحله عاشق طبرجل
458
ثلاث خواتن عجلات..........بالأسم متشابهات
يحكمن بأمرا ثبات..........بالمضر وبالمفيد
يجن بالحرب الشديده..........بين الأخصام العنيده
والمحجز فكن قيده..........معهن ماهو مستفيد
نايف بن علي العنزيحلته // حناين
459
ياويش رجالن ساكن له بغبه..........جالس بوسط السقف على طول الأيام
حارس على بيرن لا شر يطبه..........على باب بيره لاتزحزح ولانام
نايف بن علي العنزيحله العملاق
460
ياويش رجلن ساكنن بين حيّيين..........ساكن مع الحيين وهو يأكل أموات
يأكل من الأموات أموات نيّين..........وأكله يردي حالته بكل الأوقات
ولا خالف التشريع في منهج الدين..........ولا هو بمأجورن في كل مافات
نايف بن علي العنزيحله العملاق
461
ياويش رجالن أخذ دور رجال ..........لغاب هذا يأخذ الحكم دونه
والثاني أخذ دوره ساعات الأجال..........شيء ضروري وكلكم تعرفونه
نايف بن علي العنزيحله العملاق
462
أنشدك عن رجل لا روح لا جماد..........والرجل معروف له قدرن جليل
مشاركن صاحبه بالشرب والزاد..........وإن عرفت الرجل أعطيك الدليل
نايف بن علي العنزيحله ابن البلد



******************
************

عــــددابيات اللغـــزصاحب اللغــزالحل و صاحبــه
463
رجلن يعلم راعي العلم علمه..........الرجل محبوبن وأبوه مكروه
موجود مع راعي المزارع بأسمه..........صار الغلا كله والحب لأبوه
لو هو سميا له يفرق بوسمه..........واحد يعرفونه وهذاك شافوه
نايف بن علي العنزيحله ابو طارق
464
ويش بنتن إبطنها ورعن صغير..........ولولا حكم الورع ماراحت وجات
وورعن بصدره تسمع له صفير..........وكلهم عميان من أسباب النجات
مستدير الورع وأمه تستدير..........والسنع بيديه وحكم المعرجات
نايف بن علي العنزيحله عاشق طبرجل
465
ويش بنتن لها جملة عيال صغار..........ليا قامت أصغر ورع أخر من يقوم
لاجلست باشروها العيال الكبار..........ثم جاك أصغرهم بتاليهم يزوم
نايف بن علي العنزيحله ابو طارق
466
ياويش رجالن يفك الخصومه..........لايحضر فك النشب والطلايب
أصبح بدوره مثل دور الحكومه..........وأرضه محل ماربعت بالعشايب
نايف بن علي العنزي حله غيم الشمال
467
ياويش عودن بالعصور القديمه..........مقدرن بالناس في ماضي الأزمان
واليوم ماعاد للعود حشمه وقيمه..........مادام أصبح وضعنا أمن وأمان
أشوف بنت العود لازالت مقيمه..........لشفتها حسيت بالخوف يافلان
نايف بن علي العنزي حله العز بالله
468
أنشدك عن بنتن لها أخون شجاع..........وأخته شجيعه وبالمعاني رفيعه
البنت تأكل بنت وأثنين ن بإجتماع..........ولاغاب واحد البنت ماهي مجيعه
والولد ياكل أثنين ولا له أنتفاع ..........ولا غاب واحد للأوادم نفيعه
دايم الأثنين في حالة صراع..........حرن وعبدن والأوادم تبيعه
نايف بن علي العنزي حله أبو طارق
469
شيء خفي يالناس يالله ياهو شيء..........شيء مع حضوره يجلا الحرامي
شيء عن الميت يعوض الحي..........في صحبته أحيان يرد الملامي
نايف بن علي العنزيحله غيم الشمال
470
أبا أسئل أهل العرف وأهل الفطانه..........عن الذي ماقد في موقعه شيف
أسمه مخالف ياعرب عن مكانه..........حيثه تسبب بين الأثنين تحريف
نايف بن علي العنزيحله أبو طارق
471
بنتن تشيل الورع والورع شايل ..........ورعن صغيرن فوق ظهره يشيله
البنت بالقرأن جاله دلايل..........وقول المثل بالورع عندك دليله
نايف بن علي العنزيحله غيم الشمال
472
بالزود جمع الشمل مابين الأخوين..........شفت الدلايل في دليل الدلايل
بالنقص جاب النقص مابين الأثنين..........جاب الدليل سنين بختم الرسايل
هذي دلايل ثابته عندك الحين..........عطني لها تفسير ويش أنت قايل
نايف بن علي العنزيحلته // القاموس
473
بسأل أبو سامر عن حال شايب..........عودن طلباته تشقي عياله
عياله ثلاث وكل ما جاب جايب..........وكلن لأبوه العود جيبه لحاله
الأول به للموت حال وسبايب..........والثاني يسقي العود صافي إزلاله
والثالث يسلي العود بعلم وعجايب..........ولا أقتنع هالعود مكثر سؤاله
نايف بن علي العنزيحله العملاق
474
أبا أسئلك عن بنت واسمع هالخبر..........مير إستمع للعلم عن مضمونها
لا لحم ولا عظم ولاهي من حجر..........العبرة فيها أرجولها وعيونها
لها راس ولها بطن وايضا صدر..........والله وحده عالم(ن) في شونها
له سيرةً تذكر ودروس وعبر..........لو تنحصي تزيد عن مليونها
بنت (ن) قليلة فود له شان وقدر..........واكثر عباد الله تعرف لونها
أشد من الفولاذ وأقسى من الصخر..........وأضعف من اللي بالقدم ياطونها
لو تستغيث يمكن بعد ينزل مطر..........وما سرها لو يمتلي ماعونها
وآخر كلامي بالمفيد المختصر..........لو مهما وصفت البنت أجي دونها
نايف بن علي العنزيحله السـ(العابر)ـامر
475
وش ثلاث وثلاث ثابته في نزيله ..........كلهن واقفات ولامشن ثابتات
من ثلاثه ثلاثه في عيونك تخيله..........في أسلوب التواصل على وضع النجات
معك منهم ثلاث كل يومن وليله..........الثلاث اللي يصلن معك وقت الصلات
ثنين منهن تسدح من يدينك دليله..........ومنهن وحده صغيره مرفهه بالحيات
نايف بن علي العنزيحله غيم الشمال
476
عودن نحيل الحال سنونه تراقل..........متجوده بعلباه بنت صغيره
عودن قوى الحيل لو كان ناحل..........بأسم ولده معروف ماهو بغيره
نايف بن علي العنزيحله ابن البلد












[td[/td]
عــــددابيات اللغـــزصاحب اللغــزالحل و صاحبــه
477
مرت سريعه ياسرعها مرت البنت....................
....................جت مقبله وأقفت في ظرف لمحه
تشـــوفهـا بالعـين أن كان عـاينت....................
....................مابين أمان وخوف فعله وشرحــه
نايف بن علي العنزيحله نواف محمد النعيم
478
ياويش رجالن مع الخلق نزال..........في حال واحد لابدأ تشاهدونه
مع الدهر حاله بموقع ومنزال..........تمضي سنين من العمر في شؤونه
مذموم في حالن وممدوح في حال..........مكروه لامن إجتمع في ركونه
مع العذارى ينضرب فيه الأمثال..........لجاء بمحل المدح زوله ولونه
وفي وضع مذمومن في كل الأحوال..........عند العذارى وكلهم يكرهونه
مع الليالي لصار بأسمه والأشكال..........ماهو على اللي البشر يرغبونه
له قدربتقدير المناعير ينقال..........وبعض البشر برجولهم يدعسونه
له حال من رب السموات لزال..........في حال تعضيمه و حال المهونه
نايف بن علي العنزيحله أبو طارق
479
ياويش رجلن خلقه الله بلا لسان..........اللي عن إلسانه تنوب العصافير
به سر لو تدري به الشيبان..........ساقوا على شانه حمر الدنانير
نايف بن علي العنزيحله السـ(العابر)ـامر
480
رجلن شجيع وقام في ذبح رجال..........بدون ذنب وذبحته في سهوله
تحمـل وزر الذنـب للحـق شيـال..........لولا الجـريمه مايشـيل الحـموله
جزاء فعوله غصب للذنب حمال..........حق لـغـريمـه صار حسـبة ذلـوله
حسب المثل اللي مع الناس ينقال..........أكال عــويـر الـنـاس حـقـه يـنـوله
نايف بن علي العنزي حله السـ(العابر)ـامر
481
أنشدك عن رجال معه له دره ..........الدره اللي للداعي الخير تنحاز
مامــثــلــها دره بهالكون مــره..........من شافها بلي مضى منه ينجاز
الدره اللي بسابع سماء مستقره..........عطني خبرها هي واللي بها فاز
نايف بن علي العنزي حله السـ(العابر)ـامر
482
حين غريب عاش في غربته حي..........عايش غريب وفي طبعه غريب
ليا مسكته مات لو ماضربه شي..........كل حالته صامت وعمره مايشيب
نايف بن علي العنزي حله طيب الفال
483
ياويش سبع تقابل مع سبع..........صوب السماء تصعد وتنزل وتصعد
الفرق بين السبع كلن لهم طبع..........ولاأنت بماسكهم لو تعدهم عد
بمفرق مصادرهم كلن تقبع..........مكملين لبعضهم بكل موعد
نايف بن علي العنزيحله غيم الشمال
484
لو تنشد الزوار ماجاك بأخبار ..........بين السماء والأرض ويش الذي صار
من داره اللي عافها وعافه الدار..........يقول مارجع لديرتن جيت منها
نايف بن علي العنزيحله القاموس
485
أنشدك عن رجال أكبر من البنت..........يجي ولدهم بغيبته يحترونه
إذا كلته أمه تشوفه وعاينت..........وإذا أكله أبوه مايشاهدونه
نايف بن علي العنزيحله صقر الشمال
486
ذاك شيخن جليل له سجود وركوع..........بأمر رب العباد وأمر بعض العباد
عودن جسمه نحيل وتهل عينه دموع..........بادت كل الخلايق وباقين مايباد
ملازم الخمس دايم لاهو ذليل و جزوع..........قبل أصحاب تبع وقبل أقوام عاد
نايف بن علي العنزيحلته السـ(العابر)ـامر
487
ويش عودن مايحكي ولا يشوف..........كاشفن ستر الفتاه اللي طعنها
يسبر الأغوار بالتحديد الظروف..........العلوم اللي يضمنها جاك منه
نايف بن علي العنزيحله ابن البلد
488
وش الثلاث اللي لهن علم بنظر..........يحمن ظهرك من الخديعه والطعن
ماينقلن علم واشي أو غدر..........وأخبارهن حسب الطبيعه والوزن
يرافقنك بالمسير وبالسفر..........جاهزاتا بالخبر وأنت الفطن
نايف بن علي العنزيحلته حناين
489
رجال لامن طال طالت مساعيه..........وتقصر معه الطايلات والوساعي
يسكن بحضن بناتن إتداريه..........مأحد قدر يشريه ولايباعي








نايف بن علي العنزيحله عاشق طبرجل




عــــددابيات اللغـــزصاحب اللغــزالحل و صاحبــه
490
ياويش رجالن بتوعن مسيره..........متشيخ وشايخ بكل الجماعه
لامن زعل يزيد مشيه وسيره..........يذبح جميع القوم لوقف ساعه
نايف بن علي العنزيحله عاشق طبرجل
491
أنشدك عن بنتن من فوق أبوها..........العود تحت البنت والبنت من فوق
العود ياكلها لو هملوها..........والبنت فوق العود معشوقة الذوق
نايف بن علي العنزيحلته حناين
492
أنشدك عن اللي صار بالفعل جبار..........له العذارى يستجيبن مطيعات
يسبي العذارى غصب صغار وكبار..........لو مايطيعن جابهن بالغصيبات
ولا قدر له كل حاكم ومغوار..........ينكح بناته غصب لو هن عفيفات
بخيره وشره خالقه رب الأقدار..........وشارك رسول الله مره بغزوات
نايف بن علي العنزيحله عاشق طبرجل
493
وش هم الأخوان اللي بالشكل متشابهين..........واحد ماعطاه الله مثل الثاني بنات
واحد مبعوث شين ويعيش ويموت شين..........والسبب من بناتن في سنونه ناشبات
والثاني ماعطاه الله مثل الأخر بنين..........ما با قي إلا سنونه نازلات و طالعات
نايف بن علي العنزي حله عاشق طبرجل
494
ويش بنتن ماتعرف لا صيام ولا صلاه..........وعشاقها مايعرفون لاصلاه ولا صيام
مالهم عنها غناه ولهم فيها حياه..........ولامن لقاها قليل العرف عينه تنام
نايف بن علي العنزي حله عاشق طبرحل
495
ياويش بنتن بين خمسة رجاجيل..........كل الرجال متنافسينن عليها
بنت تبتختر بين خمسة مشاكيل..........ولا فيه إلا واحدن فاز فيه
نايف بن علي العنزي حلته همس الليل
496
أنشدك عن رجل بأسمك يناديك ..........متشيخن هالجدوى ويتحداك
غثيث في طبعه دايم يلاغيك ..........عنيد طبعه بين ذولا وذولاك
نايف بن علي العنزيحله الوســــــم
497كان الهوى بقلوبكن حل وإتجال ..........حنا الوفاء بقلوبنا عايش ن دوم
نبني وفانا يالعذارى ولا زال..........صرح ن مشيد بالوفاء صار معلوم
نلبس لكن تاج الوفاء بكل الأحوال..........مشيد وفانا في هواكن إلى اليوم
الفرس هم الترك مع عرب الأزوال..........تحكي وفانا في أساطير وعلوم
مات الهوى وصار الوفاء معه نزال..........ورمزا لكن بغالي الشرق مرسوم
نايف بن علي العنزيحله أبو طارق
498 زول (ن) عرفته هالني زود طوله..........في يوم شفته كأنني ماعرفته
هذا قصيرالزول بالطول زوله..........يزمي على البيدا كاني وصفته
لكن حقيقه راهي الطول هوله..........شفته حقيقه كنه خيال (ن) وشفته
وقته قليل وخلا الفكر في ذهوله..........كانك تشوفه صار على غير صفته
شيء محير يالبشر في حلوله..........ماتشوف نفسك فيه لو أنك وقفته
صارت حلوله ماتجي بالسهوله..........غيرك يشوفك فيه وأنت فيه شفته

يسلم خيال اللي خياله يطوله..........هذاك إعجاب الفكر يمه صرفته
نايف بن علي العنزيحله الـوســــــم
499أخوان الغدر يوم الملاقى ذوابيح..........من لابة فتاكتا تغدر الروح
منهم شجاعاً هويته له مطاريح ..........ياكم شجاعاً بهويته صار مطروح
مفلسين الثار من هل المناويح ..........ياكم غلام(ن) برقابهم راح مذبوح
نايف بن علي العنزيحله نواف محمد النعيم
500
قريبن مكانه ولا أدركه ساطي الشوف..........أقرب من اللي تمسكه مسكة إيدي
فعله موضح لك ظاهر ومكشوف..........لو كان شاورته ماهي مصافيك
ماهو وصين فيك ملزم ومكلوف..........ولا رفيقن لانخيته يخاويك
مع دورة الأيام على الدور محذوف..........على الثلاث الواجبه في مساعيك
نايف بن علي العنزيحله موكب فخر
......

................

........................
...... ....................................
.......


......................

......................





 
 توقيع : محمد ابوذينه
الحساب الرسمي لمجالس قبيلة الشرارات على السناب banykalb



حساب مجالس قبيلة الشرارات بتويتر
@banymaklab1

حسابي الشخصي في تويتر
@moh81024

للتواصل عبر بريد المجالس الجديد على الايميل التالي
banymaklab01@gmail.com


او التواصل مع الadmin عبر هذا الرقم (واتس اب فقط) 0501306585


كلمتان خفيفتان على اللسان ثقيلتان بالميزان(سبحان الله وبحمده سبحان الله العظيم)

التعديل الأخير تم بواسطة محمد العابر ; 13-07-2014 الساعة 05:36 AM

رد مع اقتباس
 

SEO by vBSEO 3.3.0