عرض مشاركة واحدة
الصورة الرمزية خالد خلف الفليو

خالد خلف الفليو

شاعر


السلام عليكم ورحمة الله وبركاته
احب ان اضع بين ايديكم هذه
القصيده للشاعره/
مغيضه الدليمان








ياراكب اللي حارسيناً بجده=الو وبرها ريش قلت انها طير
الى استمح مغارها واستمده=يزقح نظر ركابها للمغاتير
وضحاً تشاوش مرتعاتاً بخده=وضحاً بروس اكتوفهن كالنواوير
زاعوهن العزام عجلاً مهده=عقب الحيال وشايطاتاً معاشير
ولحقو هل البل يخلف العقل عده=وزوِّل لها بوسط النظا والمغاتير
وخيالةً لحقت على ماتوده=متطابقاتاً بالحذا والمسامير
وتسمع بصوت عيالنا قول رده=سبقوا على المتراس عز الخواوير
ان نوخوهن عقلوهن بحده=وتطايحت خيل العدا بالمشاهير
وصبح السرا معهن ردوماً مصده=ياشطها وسط اللهب له شخاتير
تقاطعوها بي حبال الاشده=ومن جوعهم ماضل مايعلف الطير
كلاً يقول اقضب وراك ويشده=ولاحظرو الخفرات ربعاً مناعير
يلفن على سلمان (1) للبيت عده=ريف الركاب اِن جن برش ومعاصير
جدد حناهن مع علوم الموده=قبال العدا واللي لفونا مسايير
وقلط دلالاً كل ابوهن مسده=وبساع قدم للنشاما المباهير

سلمان ــــ الشيخ الفارس / سلمان بن حمد الفليو الشراري


[bimg]http://www.asaaayl.com/up/ar/3ashq-khlaf.jpg[/bimg]
التعديل الأخير تم بواسطة ياسـر الفليو ; 15-06-2010 الساعة 01:13 PM