.:: مجالس الموروث ماضيا وحاضرا ::. - عرض مشاركة واحدة - ،، كل عضو وذائقته الشعريه....تفضلوا ،،

أختي خيـال الحـزن اشـكرك على الموضوع المميز كما هـو انتي

لا حــرمنا هـذا الفـكر والرقي

وهــذي قصـيده لعنــون انا غيــر ^_*

واهني اللي ليا ضـاق طنّـب بالصيـاح
ولا انا من روس ربعي وعيب اني اصيح

كل ماقلت ان قلبي مـن الهـم استـراح
كن قلبي يصرخ بصوت ماني مستريـح

وكل ماجيت أزرع الورد والدنيـا كفـاح
من رداة الحظ لامن زرعته صار شيـح

صرت بلسم جرح ولا سِلمت من الجراح
شي مايعقل أداوي وانـا اصـلاً جريـح

صرت عايش في تناقض وحظي يوم طاح
قمت اشيله قمت اشيله وهو غاوي مِطيح

الوفا اصبح غدِر والغدِر اصبـح مبـاح
والبخيل اصبح جزل والكريم اصبح شحيح

والقراح اصبح عكر والعكر اصبح قـراح
والقبيح اصبح حسن والحسن اصبح قبيح

وكل بارد قلب ماينفعـه كثـر السنـاح
لويطول الدرب يتعب وتسمع لـه فحيـح

وكل برقٍ ماشعفنـي بريقـه يـوم لااح
وش علي منّه ليا غاب جعله في قِريـح

بـس لامنـي ذكرتِـك ياعبـدالله فـلاح
اتذكر طيبـة القلـب والـراي الصريـح

جدّك ذويبان والطيب مـن يمنـاك فـاح
وانت قد المدح والمدح للرجـل المديـح

انت شفت (الخلفه) اللي تمشّى فالصحاح
احدٍ جاها بسيفـه واحـد جاتـه منيـح

نِعنباها ماعطتني سوى السـم الذحـاح
ولاّ غيري تترس الطّاس له حتى يسيـح

والذكي مثلك يعرف الرسوب من النجاح
ولا بعض الناس معروف يبقى الميح ميح

والله اني ضد كلمة ترى كـل شـي راح
وضد منهو قال ذالباب سـدّه واستريـح

والسوالـف جـد والله مافيهـا مِـزاح
والنهايه حالـفٍ مايصـح الا الصحيـح

قــصيدهـ [انا وليلى]
للشـاعر [ حسن المرواني ]

لا إله إلا أنت سبحانك إنى كنت من الظالمين

شراري وكلي فخر

مشرف سابق وعضو مميز