السلام عليكم ورحمة الله وبركاته
هذه القصيده من احدي روائع الشاعر المرحوم بأذن الله سعيد بن غيثه


[poem= font="simplified arabic,5,black,normal,normal" bkcolor="white" bkimage="" border="outset,7,gray" type=0 line=0 align=center use=ex num="0,black"]
يوم أننابدو على الزمل شداد =يوم الحيا لاقطاع الأذواد يتلون
بخيرهن يشرك ضعافين واسياد= ويشرب لبنهن من عليهم يمرون
حلابه للدر وايضاً لنا أشهاد =ووجيه شر لمن علينا يتعدون
نرمي فقار الحيل كوماً على الزاد = وغبوقهم لزوم يوم يتعشون
يرعن بلاد الخوف مدهال الأضداد = يخوفون أيضاً ومنا يخافون
يرعن من الخنفة إلى البرق لأوفاد= ومقيضهن تيما إلى الهواج يردون
ومن الكرك لمعان إلى أخضر أرواد=ومن العقب لجبال حسما يبارون
ومن الطبيق ألكل حومل وما غاد= بيها نعاماً والمها بيه يلقون
بيها تربى الصيد من غير نشاد =غير السهم ماهنا سلاحا يصيدون
ومن الحديثة يرتعن صوبها غاد=إلوادي السرحان للجوف يردون
وماحده المسما سماره إلى انقاد = إلى الطويل وشرق شمر يحدون
وإن صار عند اطرافهن ضد واعناد = ومن دونهن ربعاً عليهن يعيون
إلى صاح صياحاً ورا صايحاً غاد = وهج الجهام وسارعوا من يفكون
ركبوا بني مكلب على وشح الأياد = من فوقهن الخيل ياما يردون
بيهم على حث وبيهم على شداد= مسار عيناً فوقهن ما يتونون
وصار الطمع من اللي يدورون الأكواد= من السباع الغامرات يتعشون
شرقينا شمر على الموت وراد = كم راس شيخاً عن متونه يشيلون
وجنوبنا وايل مدابيس الأضداد=لطامة العايل ضريرين بالكون
وجنوبنا بلي صنايد الأولاد= شجعان عن جمع العداء ما يهابون
ويحدنا بني عطيه لنا حداد = أبو دميك اللي بفعله يفوزون
وتايه وجازي سربة شيخها أمجاد =غربي سرغ يم التهامه يعيشون
وبني صخر تحدنا غرب من غاد =من الدميثه للعلم شرقها ودون
قبل أجدود أشلاش وارميح واطراد=هيل المهار اللي على الموت يردون
وغربينا الطرشان والجنق واعناد=وأهل البطين اللي بحقه يحامون
وشمالنا شرق ألغرب تمداد = من العراق لسوريا بيه يرعون
الشيخ ابن هذال هو وابن مجلاد=وبكر وابن ضلعان واللي يضمون
وفدعان واسبعة على الكود وانكاد=عند الطريح أن طاح لازم يردون
وارويل متعبة السلايل والاجياد =جمع الجلاس اللي كما الحيد يرسون
يحدنا أبطال من عصر الأجداد=فطاحل عند القبائل يهابون
ألهم على العدوان هده وملكاد =بسيوفهم قبل البنادق يعرفون
وحنا موا قفنا قديمات واجداد= ما نستمع لقول حاسد ومجنون
ألنا مواريد وسيعات وبلاد=غرفن على روس الضوامي يصبون
حامينها من دور شداد بن عاد =ياما عصينا به على من يريدون
مداهل ألنا بها فراش وامهاد= وتاريخنا وأثارنا مايغبون
قبل اللحاوي جد محسن وحماد= تاريخ عام ألف وميه وخمسون
حنا العرب أسلومنا سلم الأجواد =نفخر بها يوم السوالف يعدون
من العريش ألغرب ألشرق بغداد =وغرب اليمن وأقصا الجزيرة ومادون
ومن هو له الجيش المعرب والأذواد=والخيل وجل النيب حسينة اللون
ماديرتن ألا بها الحضر قعاد=ولا بادية الا يجون ويمدون
وكلا على مسعاه يعمل ومداد = الناس هم الناس بالطبع واللون
الله يخزي للثنا كل جحاد=اللي مواقيف الرجاجيل ينسون
من العقل متجردينا تجراد = صار الكلام الخايبينا يهذرون
شوفاتهم حدر القدم ماهن بعاد =ماهم على ساس ولا العهد يوفون
تعبث بنسب ونسبها غير معتاد=وتاريخهم كل القبائل يعرفون
أصل العرب معروف ياللي عنه غاد =أسأل هل التاريخ ويش يتمطون
أصل العرب تأريخها عصر الأجداد= يوم المغازي والمكاسب يجيبون
بيهم على أحرار وعلى مهار وأعياد =وفيهم على خضر وشهارا يشدون
بعصر القنا والشلف ومصقول الأهناد= يوم الكلام ألهن وبيهن يهدون
والموت يوجد عند زرفات الأذواد =وعند الرجال اللي الخزايز يدورون
هذا كلام اللي على الصدق يعتاد=إلى قال به فيه القبائل يقرون
مليوم يانسانا بلا ضوء تنقاد=عيب الخطأ حيث الخطا الناس ينفون
ينقدك في قولك صغيرين الأوغا د=ولا يقبله من كان للعلم يروون
والصدق نور بالحقيقة والارشاد =خلوا مجالاً لأهل العرف بالكون
ناساً لهم بالمعرفة عمق وارصاد=ومواضعاً بيها العرب يستفيدون
علامة التاريخ للعلم رواد=هم الرجال اللي على الضوء يمشون
أعرف تاريخ الجوف هجري وميلاد= ياللي بصفحات التياريخ تقرون
الجوف عرفه عندنا غاد ابن غاد =من عصر ثمود إلى عصر فرعون
والجوف رحلاته قديمات وابعا د =منهم هله يوم أهل السور يبنون .. ؟
حنا هله وأهل هله جد واعماد = قبل بناء مارد المارد ومادون
من جاهلية ود وللي له أوداد =اللي بعصر الجاهلية يعبدون
أسأل من خذما للمسيب إلى الباد = والغرب والصبه بها من يزكون ..؟
لمن الجوابي بين غرسات الأغياد = وأهل الجهام النازله من يكونون ..؟
لمن البيوت اللي تشيد تشياد=اللي مراكبها وفرشه يمدون ..؟
وبسيطه أليا جاها من الوبل رعاد =تيما وأهل الجوف ألها يخيلون
رزق لنا من الله ولي الأعباد= حضر وبدو من رزقها يستمدون
أسأل ولا تخفي عن الناس نشاد = من غيرنا اللي حماها يطبون
وهالحين حنا بخير وانعام واسعاد = وحكامنا بأمر الشريعة يعدلون
عبد العزيز اللي جلا شوك الاكباد =ابن عبد الرحمن به يستعزون
المسس الباني ومن له من أحفاد =بالسيف طوع كل عاصي ومفتون
حضارة بسرعة عمرانها زاد=واللي تولوها رجالاً يجدون
هذا بعد هذا وهذا له اسناد =بنيانهم في طاعة الله يشدون
عيال من يقطع رهاريه الأجراد =له الرجال اللي يخيفون يتلون
رأس الرجال الصيرمي باتعاً عاد=سبع الرجال اللي جنا به يهابون
ليا شاف حراً مداليه الاضداد =طيور شلوى أليا شهر ما يطيرون
بحماية المعبود عن كل حساد = العز جعل ألهم حليف ومضمون[/poem]