الموضوع: حبل الاصحاب
عرض مشاركة واحدة
قديم 08-04-2019, 12:04 AM  
عبدالقادر الذعيت
عضو جديد


الصورة الرمزية عبدالقادر الذعيت
عبدالقادر الذعيت غير متواجد حالياً

بيانات اضافيه [ + ]
 رقم العضوية : 8256
 تاريخ التسجيل :  Nov 2011
 أخر زيارة : يوم أمس (11:35 PM)
 المشاركات : 94 [ + ]
 التقييم :  49
لوني المفضل : Cadetblue
افتراضي حبل الاصحاب



‏البارحه يوم التوى حبل الاصحاب
بنيت انا عدن صعيب المناشي

لافاتحن بابٍ ولا مسكرٍ باب
والعين هجّت عن مواطي فراشي

عينن بها نومٍ كسيرٍ ومنصاب
باسباب من قلو علينا المعاشي

تاخذ ولاتعطي ولا تحسب احساب
والعقل من طعنات الايام داشي

عن واقعن فيه العَوج راس مرقاب
ومع كل ميله زاد فيه اندهاشي

لاكن براق المراجل له اسراب
يخيل ضو اهل الوجيه البشاشي

ولا روحت صفر ومغاتير وركاب
تارد على الجمه ركابٍ عطاشي

ولاتختلف بالفكر حضران وجناب
ياسعد من يسلك طريق المماشي

احدن ملك بالطيب بيتٍ ومحراب
واحدن بنى بيت الردى له عشاشي

والناس تتبع كل حاسد وكذاب
وصدر المجالس فيه من كل لاشي

مادام له مالن يطيّر للاعجاب
ولا طيّره غير العقول الهتاشي

ولوكان لابس للتقى بشت واثياب
يبقى على روس النذاله يشاشي

البعد لو يبعد قرايب وانساب
اخير من قربن يجيب الهواشي

وان شفت بالمرقاب امكشر للانياب
ترى السهل لأهل العقول البشاشي

#عبدالقادر الذعيت


 
 توقيع : عبدالقادر الذعيت


رد مع اقتباس