..:::ديوان شعراء قبيلة الشرارات:::.. http://www.banymaklab.com/poem/ ياطول صبري وأن تماديت بالسير وياقو عزمي لاعشقت الوسايد
مبطي وأنا اصبح خفوقي على خير وأن حل باكر تنولد لي جدايد
ياعاشقاً حزني لفتك التباشير ياحاسدي أبشر بعلم الوكايد
يضيق بالي كل مايقفي عصير ويزيد ضيقه لأنطفن الوقايد
يروح ليلي في هجوس التفاكير والصبح منتوجي جميع اللهايد
واللي تزهم بالليال المعاسير روح مع اللي يخلفون الوعايد
أقفى ولا أبدالي عن الصد تبرير طق أصبعه صوب النجوم الصعايد
الراي تايه بين جزام ومشير وأخلفت دربي بين مقفي . وعايد
أسرفت في حالي ولاباقياً .. غير جملة حروفاً كررتها الجرايد
ليت العزا يشمل عيوناً مساهير وآشوف بعيوني جميع البدايد
ويحن وقتي والليال المعاسير والضيم. وجروح الزمن. والنكايد
لو مالها في ذنبها بي تكافير آتوب عنها وأشترط ماتعايد
عمر الشقاوي لازم يجيه تقصير وأن طال ماسره ولو كان زايد
محيسن سبق حوض المنايا على البير يوم إبن دعيجا عاد له بالفوايد
وغيره..وغيره كم وقع بالمحافير مانال غير مقابله للحايد http://www.banymaklab.com/poem/