|
اشوف ناسآ تشري الطيب بالكاش=وناسآ تجيب الطيب لوهوبلاشي
وناسآ تطيب ولاكن انه على ماش= لوكان طيب تحس به طيب ماشي
وبعضآ بحاله صدق يادوب يعتاش=لاكن بوقت الطيب تلقاه طاشي
تبذل يمينه بالعطاء كل ماحاش = قلبه نضيف ودوم وجهه بشاشي
ريفآ لضيفآ تالي الليل هتاش= يلقى عشاه وراحته والفراشي
مايدّخر للغيب عن جوعه عراش=رزقه على اللي منشيآ للرشاشي
ولاعاش بالدنيا حسودآ وغشاش= ولاعاش بين الناس بالهرج واشي
هذا الذي بالطيب ينقاله عاش= وطاريه في عّد الردى مايناشي
والطيب غيره مضهرآ صارببلاش= كلآ يقول انه على الطيب حاشي
الخير واجد والقوي يدفع الكاش= دنياك خيروزاد فيها المعاشي
وطيبآ يجي في غير وقته تره ماش= بالموزمه تلقى علومه هشاشي
الى تبيّن موقف الجد ينحاش = يذوب ذوبات السراب النشاشي
|
