هب نسناس الشمال وشد قلبي هبوبه=وانتوى قلبي اللي شوقته الطواري طاري اللي اليامني تذكرت صــــــوبه=تنتويلي بلادآيم ذيك المحــــــــــــاري ديرتلي شمال وصف حايل جنــــــوبه=حدها من النفود اليااطراف السماري ومن فياض الحماد الى طبيقآ وجوبه=وشرق حلوان خذهاوالمعادي يساري بني مكلب حموهاوالديار مغصــوبه=لين كلآ عرفها ديرتآ للشـــــــــــراري ربعي اللي حموها عن سمومآلهوبه=يوم وقت المغازي يكسبون المغاري محتمينن طرفهاوالعداء مـــاوطـوبه=ومن غزاهم وجاهم مالقيله مــداري سلم وقت السلام وعهدهم مغدروبه=ويزبنون الدخيل ويحسنون الجواري وحق كل القبايل عارفينن وجـــوبه=مانسينا البعيد ولاضلمنـــا لجـــــــاري ماسكينآ وطنّا ومحتمين العـــروبه=وعن هواها وماها مارضينا خيـــاري علها وقت الانوى ترتوي من صبوبه=مدلهمآ يروي كل ذيك القفــــــــاري الى تحكم ضلام وشمسها في غيوبه=يدعي البرق ضلم الليل لون النهاري مع بداية ربيع وفي هواها عذوبــه=ينعش النفس فيها شوفها للخضــاري شوف قفرآ تدلّه فيه نفسآ طروبــه=مامشى في خبوبه غيرطير الحبـــاري

أدوات القصيدة

النسبة 3/5 (2اجمالي)

• 1
• 2
• 3
• 4
• 5