|
ياشـــاري كمبيوتر لك الســوم تسعير = مع طابعة ليزر تحرك حراري
مضــمــون تــوه ماحصـل فيه تغييـــر=ومزود الرامات حسب اختياري
الســــوق أغلق جلســته بلون تحمير= وشكل المؤشر صيب بالإنهياري
طــاح الجمــاعي والمواشي وتعمــير=حتــى البنوك أرقـامها بانحــداري
وســابك عمود البيت راحت مخــاسير= ومن يكتب أمر البيع ماجاه شاري
ياعل مـزن(ن) مدهمات(ن) مزابــير=يرمن مطرهن في بســيطا بنهـاري
وتزهـر مشــاريع المكيرش نــواوير=ويخضر سهمها والطلب بازدهـاري
وانا لي الله عن جمــيع المخــاســير=يغنـيني اللــي في خـفـا النـفس داري
أحسن لي آشـيك علـى زيت واسبير=واجــهز العــزبه واحــدد مســــاري
وانصــا ديـار(ن) سميت بالمظـاهير=من غـربي الخـنفه وذيـك المحـــاري
ودي إذا جــاز المطب حــزة اعصير= حـولت انا العـزبه وشــبيت نـــــاري
واركبت انا القمقوم فوق المساعير=وقــربت انا الــدله أقـايس ابـهــــاري
هذا ربـيــع القـلــب لاجــاه تكـــديـر=وعــلاج من كثرت علــيه الــطــواري
|
