صعب الشمري: اديت انا المجهود يانجل الاعيان =وقت(ن) مضى كلي معاك استجابه وهبت لك نصفي وعمري على شان=وحبك سطع بالقلب مثل الكتابة وعاملتكم في منتهى اللطف وحسان=إلا الخيانه ماحسبنا حسابه غرك جمالك كن مامثلكم إنسان=لكن جمالك ماعطاك المهابة والحمد لله يوم منك الجفى بان= تبينت شمس الضحى من سحابه وشكواي للي خالقن كل الاكوان=اللي كفل رزق البشر وعتنابه وابا اشرح الموضوع لعايد رغيان=انخاك انا ياشوق جالي عذابه مضت ثمان سنين بالهم غرقان=واصبحت مثل اللي يطارد سرابه شارك معي ياطيب الساس لو كان=بفكارك اللى رابحن من مشابه والخاتمة يفداك من باع الاوطان=افزع عسى إنك تفك النشابه رد عايد رغيان الشراري: استغفر الله عالمن كل ماكان=واللي يكون مقدراً في كتابه نعوذ بسمه من بلا كل شيطان=ونتبع رسوله بالهدى والصحابة وياليت حظي عن صفقين الايمان=كبير لو عمري قريب(ن)ذهابه اليوم جاني خط من كان ولهان=اسمه صعب الشمري ياهلابه من لابتن وإن ثار عج ودخان=كفو الركايب والقبايل تجابه يخضبون السيف في كل ميدان=يدعون معمور المباني خرابه ارسل لنا المكتوب شفق(ن) وعجلان=وقضيته فيها الجماعة تشابة يامرحبا به عد هتاف الامزان=وحجار حايل مع ذواري اترابه وعد الحصى مابين صنعاء وعمان=وجبال مكه مع رواسي اهضابه ياطارشي قله ترى اخوك بلشان=في امركم وشلون فك النشابة الحب شامل بين شيبن وشبان=كم واحد(ن) يمه يعني اركابه واشرح لك الامثال بفلان وفلان=عندك خبر والناس تشكي صوابه الحب كنه في نظر كل فهمان=ليلاً ظلاماً تايهن من سرابه وان جيت لي بالراي ماقول غلطان=ماني بلايم عاشقن في شبابه لكن خلك كان باعك بخلان=غيرك ولايبيك ماهي طلابه خله يولي واتركه وانت ربحان=انهاك عن طرد القمر في غيابه بعض العذارى مالها بالهوى شان=...............ميلته واقتلابه راع الوفى تجزاه غدرن وحقران=وتستبدله لو هو عزيزن جنابه وإذا انكرت تجاوزت ظلم هامان=وفرعون والظالم جهنم ثوابه عليك باللي وإن عطى العهد ماخان=طيب الوصايف كلها تنلقى به وإذا صفى بالود مردوع الاوجان=مني مهرها والذهب مع ثيابه وإن كان وجهي عند الاجواد له شان=جلبت وجهي كان ينفع اجلابه قلنا الجواب ونتبع القول برهان=عند اللوازم حاسبينن حسابه نفزع لكم ياشمري قدر الإمكان=مالي وحالي فوق هرج اللبابة جاك الجواب بخط عايد رغيان=عساك تقنع يافتى بالإجابة

أدوات القصيدة

النسبة 4.75/5 (4اجمالي)

• 1
• 2
• 3
• 4
• 5