ياللي جناحك قادراً بك على الحوم=وتشوف حومات الطيور بسماها غنام صارومٍ على وكر صاروم=لا شاف برق الريش ينثر دماها رمز البلاد وبالمهمات زيزوم=اجموع يعرب والبيارق وراها اذا نويت امر وهو غير محسوم=وتريد حسمه من هفاه لشفاها اوصيك بعيال العرب لو غلا السوم=طيور شلوى رابح ٍ من شراها أولهم البدوان سم ٍ على قوم=ان قامت الهيجا ودارت رحاها أهل الوفأ ومنزهين عن اللوم=شمس بلا غيم ٍ جميل صفاها فزعاتهم عند الخطر دايم الدوم=قوم ٍ يمانيها تغذي لحاها صحبة هل الصحراء شفى كل مضيوم=وحنا عرفنا طيبها من رداها ان ارقل البارود والحبل مبروم=وعميت مطيره عز من هو نخاها صغيرها لو انه العام مفطوم=يسوى سرايا الهرمزان وقناها تاريخهم نبع ٍ من المسك مختوم=وزكاهم القرآن وأحسن لغاها باربع ركون الدين والخامس الصوم=واربع مذاهب حرم الله سواها اللي غزى فيهم على الفرس والروم=دانت له الدنيا وداره حماها وباقي الملا كنه على الكبد جرثوم=والكبد وإن مرضت عسير ٍ دواها لا قاري الفنجال لا سحر منجوم=مير التجارب علمتنا خفاها ما باقي شي ٍ على الناس مكتوم=كل ٍ يشوف المجهمه في ضحاها اذا غفل طير العرب يقنص البوم=في دربه الغربان تلقى عشاها والبوم يسقف عشته فوق مرجوم=وانثاه حطت فرخها من حشاها العام فرد وهالسنه جابته توم=ويزيد من غبر الليالي ضناها والشر يعباله مع الحق شغموم=مع حربة ٍ تركى على القلب داها تفنى صبا المجرم ولو قال مظلوم=ياخذ جزاه وحجته ما قضاها لو تنشط العروه على كل محكوم=تلقى ابن عمه خايف ٍ من لقاها واللي قطع راس العدو غير ماثوم=ولا ترجع الجربا على من طلاها من شاف نيبان الأسد يزهد النوم=ولا يترك اللبوه اتربي جراها السيل وان طب السهل صاربه زوم=وإن مر في قمة جبل ما قواها مس الحبال إن كنت بالكور ملزوم=والصيعريه لا يهمك رغاها لعل قولي عندكم صار مفهوم=ويسمع من النفس الحزينه نداها للعلم ماني خادم ٍ عند مخدوم=اتعب على كسب النفوس ورضاها أنا بدويا من الناس معدوم=ما همني فقر الدول مع غناها ورزقي يجي من والي العرش مقسوم=ورضيت بالعيشه على مستواها لا شيخ لا صواغ لا تاجر هدوم=حقي من الدنيا هواها وماها لا بيتنا عامر ولا هو بمهدوم=بيوتنا صحراء الخليج وغضاها وارحل من الصحراء على الكنّس الكوم=واسرح مع الخلفات وأتبع هواها رحولهن مطواع واحوارها روم=ترعى من الرمثه وانا في ذراها ان ارتعت في روض شيح ٍ وقيصوم=وفياض عشب ٍ كان ربي سقاها حليبها يرجح على كل مطعوم=ما جابته شركة فرنسا معاها واركب على الشقرا بلا خط مرسوم=يطيب في غلس الليالي سراها وقودها العرفج من الوبل ماسوم=بترولها متوفر ٍ في فلاها مبرومة الفخذين والشط مردوم=وربي صنع رجلينها في حذاها والطقس مقبول ٍ على الصحو وغيوم=متكيفين مع غثاها وحلاها سلومنا يوم ان كلن له سلوم=اني بعايفها وجدي مشاها واجل الفتى مع سير الايام محتوم=دنياه باعت وجهها في قفاها وضّحت تاريخي ولو فيه مثلوم=صحيفتي يفهم بها من قراها حتى يعرف الكل ماني بمهضوم=ولا لي حقوقٍ عند غيري خذاها لكن انا من جور الأحداث مهموم=واشفق على أمن الكويت ورخاها ماارضى لها الخذلان من عصبة الشوم=اللي تدمر عدلها في خطاها عصبة ظلال وفعلها صار مذموم=واحب ردع الطاغيه عن طغاها واللي يعرف الفرق بين أمس واليوم=يشوفها متغيره في صباها لون هوانا واصبح الجو مسموم=واشوف جانا من جهنم سناها جمر الغضى لو فوقه الرمل مطموم=به ملة ٍ يشعر بها من وطاها وكان المطوع كارهٍ ريحة الثوم=يحرق صناديق ٍ بداره ملاها شلفاه هي سوره إذا كان مزحوم=وارموش عينه ظلها من عماها حنا بجيل ٍ فيه الأمراض محموم=أقبل على الدنيا وبيده فناها ومن لا يشدد موقفه غير مرحوم=واذا تحاقر صيدته ما كلاها ولا ترهم الرحمه على شخص مرحوم=من السيرة الحسنة ودينه نساها أما أنت عن قول الخطأ دوم محشوم=من مبتدا الدنيا الى منتهاها وصلوا على محمد عن الكفر معصوم=اعداد رمل الدبدبه مع حصاها

أدوات القصيدة

النسبة 4.67/5 (3اجمالي)

• 1
• 2
• 3
• 4
• 5