يامرحبا يامير يانسل الأحرار=الي لهم عوص المراجل نحيله أل السعود أهل النواميس والكار=عزالوطن لوصار بالوقت ميله يا بن الإمام الي على الضد جبار=نال المعزه بسيوف الصقيله شد الركاب الشيب من زرق الأبحار=راس الخليج بكاضمه والمسيله حيلاً سداسيات للبر عبار =مضرب محاقبهن كما خط نيله مثل القطا لوهن عن الأرض طيار=من المضامي وارداً لثميله عفر المقادم مشفقه عكش الأوبار=يشداً من شقح الجوازي جميله مافيهن الي تلتفت خلف لحوار=ويزيد مع صوت المغني ذميله جرح الحفا يشفى وهن شد سيار=العرق وارضاف الحصا كالمليله ضمر من الممشى وهن قبل ضمار=مثل الأهله موميات الجديله مطبعات للمغازي والأسفار=يتلن باليل الضلام الدليله بالأربعين الي لهم علم وأذكار=الكل منهم عارفن في زميله أكرام مامعهم من المال دينار=وفرسان وإن طق الزند بالفتيله سلاحهم صنع الانفرنجي بالأوكار=والخرج وشوي الزهاب وصميله صفا بهم عشره صناديد وخيار=ونصرهم المولى منجي دخيله بقيادة المقدام مع طيب الأقدار=عبدالعزيز الي فعوله جليله صميدعاً ماعاقته عوج الأشوار=الطيب طبعه والمراجل خصيله جا لرياض بعلم مع وقت الأفطار=ودخل بها بين الشجاعه وحيله وطرح بها عجلان مع سبق الأصرار= العبد راح وراح عقبه عميله وتفتحت كل المنافذ والأسوار=ودار الفلك في قلعتاً مستحيله وسقى بها العدوان من كاس الأمرار=وسم الأفاعي زاياً حنضليله هذا الزعيم الي غريباً بالأطوار=فوق الجزيره وأرضها تستوي له زادت قناطيره على كل قنطار=ودانة له الدنيا قبيله قبيله وحد وأسس دولته ضمن الأقطار=وفوق الدول وبعضها تشتكي له جعل لها القرأن دستور وشعار=والسنه الغرا وسيفه كفيله أسلم بها كفارها وتاب الأشرار=والي رفض داسه بجيشه وخيله ثبت معالمها على رسم وجدار=عن شر ميلات النفوس الغليله والسيف الأملح دونها ضلع وستار=ماينهزع لوهو كما العرم سيله جود معالم دولته الأخطار=وأوصى بها الأشبال وأعلن رحيله الله يحرم كل جسمه على النار=ويعز من قاد السفينه بديله وصانو الأمانه وفتدوها بالأعمار=واليوم عهداً ماعرفنا بديله عهد أبو فيصل نحمده سر وجهار=خلى لنا دوحة بلدنا ضليله وولي عهده مكرم الضيف والجار=وهديب شيال الحمول الثقيله وصفه كما حراً على كف صقار=صيده من الجزلات ماهي هزيله وسلطان سور الدار للضد جزار=حمله ثقيل ودوم حمله يشيله درعاً لنا عن الكوارث والأضرار=واسى العليل وكل ضيم يشيله يحمي حدود بلادنا بجيش جرار=وسلاح فتاكا جديد موديله كم دولة ترصد لنا ودوننا الحار=وتنكس الأعلام وهي ذليله حكامنا وافين في كل مضمار=مثل المطر على البلاد المحيله وأخوانهم من حولهم مثل الأقمار =متسلسلين من الفروع الأصيله من شجرة منتوجها خير الأثمار=ومباركه مع عرضها مستطيله مضى لنا في ضلها قدر مقدار=مية سنه مابين يوماً وليله في أمنها نمشي وناخذ ونختار=وفي عدلها كلاً ينمي حصيله لومدحكم كثر الحصا وكثر الأشجار=هي في نضرنا بابن مقرن قليله يامير والله فرحة اليوم تذكار=ماتنمحي عبر السنين الطويله من يوم ذاعو بسمكم عبر الأخبار= حييت يابرقاً صدوقاً مخيله اليوم ثالث عيدنا يابن الأبرار=بوجودكم ياكاسبين النفيله أهل طبرجل كلها كبار وصغار=صفو صفوفاً كل جيلاً بجيله يستقبلون أميرهم خير الأمار=ووفودهم من كل فجاً تجي له ربعاً على شور اللحاوي إذا شار=يمشون في توجيه شيخ القبيله زانت مدينتهم بالأنوار وأزهار=الليله أجمل والليالي جميله حنا نقول ضيوف وانتم هل الدار=وانتم لكم ساس الكرم والفضيله يامير قلت القاف في عدة أسطار=وتقديركم عن شرحنا زاد كيله نخبرك عن حب الأهالي بالأشعار=في قول شاعر والأدب رمز قيله إن خاننا التعبير نبدا بالأعذار=ولا عندنا غير القصيده وسيله

أدوات القصيدة

النسبة 3/5 (2اجمالي)

• 1
• 2
• 3
• 4
• 5