يا بيت يا سمح الفـنا .. وين راعيك = ما هي بعاده مجلسه فيك خالى يا بيت .. زوله زادنى رغبــة فيك = يا طيــب مدخالك اذا فيك غالى كم مرة زرتك ..على شانه .. آجيك= أشوف حاله واخبره عن حوالى واليوم يابيت الفخر ..جيت أواسيك = في فقد رجلاً من كرام الرجـالى يا خالي اللي يرفع الراس طـــاريك = ربيــع ربعـــك فى شديد الليالى تمتاز في حــــاضر زمانك وماضيك = بالطيب والتقوى وبالخلق عالى بيت الصخا بيتك .. بعاداً مدالـــيك = إن قصرت ركب الرجال الهزالى يا كثر ما شفـــنا مواقع حســــانيك = جـر الصحن فيها وصرف الريالى لاتحسب إنى لو مضى الوقت ناسيك = تحيــا بك الذكرى من اول وتالى عساك بالجنــه ورضــــوان يدعيك = فضلاً من الوالي عـزيـز الجلالى الموت حق .. وكل حياً يســــاويك = حتى القمر تــــــالى فلوله هلالى يا خــال بيتك به .. اشبولاً تشاديك = عيال الأســد مثله ونعم العيــالى يبنون بالعـــالي بسلم معــــــاليك = ويسد بغيــابك عمـــومة خوالى من لابة .. يوم الليــــالى محاليك = ميدانــها ما بيـــن مراً وحـالى ذكراً من الورده عن الشرح يكفيك = قومــاً كــرام ونزلـهم بالمعــالى أهل الثنى زمــل التخوت المماليك = منسف وسيف وظلهم له ظلالى مكيالهم وافى ولو يزعــــل البيك= ياتون بالعـوجا وتصبح عـدالى قولاً على فعلاً ولا فيه تشكـــــيك = يشهد عليه أهل الذمم بالشمالي لولا رصيد الشيك ما يصرف الشيك = وتسري به الفتوى حرام وحلالي

أدوات القصيدة

النسبة 3/5 (1 اجمالي )

• 1
• 2
• 3
• 4
• 5