|
هونك على الشيخ ياصدر البلاد الوسيع=اليوم أبو معيض ينزل فيك طول العوام
جاور ولده الكبير اللي مقامه رفيع=يا هيبة الموقف اللي شفت بين الزحام
يارب ياللي لدعاء عبدك مجيب وسميع=يامكلف عبادك بحج وصلاه وصيام
يارب ثبته لاجاه السؤال المريع=ولا تلحقه من خطا الدنياء عتاب وملام
بوحشة القبر أفتح له من الخلد ريع=وأدخله في قمة الجنه بلطف وسلام
ياربي الحزن من فقده مصابه فضيع=مدري وش أقول لكن وسط قلبي كلام
مع موته الحزن خيم في قلوب الجميع=أبوي وأخوانه وربعه وكل العمام
هذيه أبو معيض طول العمر صدره وسيع=من مولده ألـ شبابه لين ( جرح الختام )
وهذه أبيات على لسان وآلدي ( محمد دويشر النعيم )
ياقبر لآ تقسى على أبويه العود=تراه ضيفك في بقايا السنيني
حطيت دونه رمل وهضاب وسدود=وأقفيت ماكنه حدى والديني
هل دمعي ماعلى الدمع منقود=فرقاه عذبني وبيح كنيني
يطري عليه كل ماذعذع النود=وأقول أبوي الشيخ وينه وويني
راع الكرم والطيب والعرف والجود=نسل الكرام ومدهل الغانميني
فرقاه عندي ماهي سهود ومهود=فقدت أنا حزامي وقبضة يميني
اليوم أنا من موت أبو معيض ملهود=وقبله ممات معيض بيح كنيني
|
