|
محتاج أرمم مبادي عيشتي واستخير=عن بعض الاحلام وأشرب مرها والأمر
مدام مالي على وجه البسيطه نظير=ليش أشقي العين في تركيزها بالقمر
أمسي على كرسي أحلام الفقارى وزير=وتسد جوعي صباح الخير حبة تمر
الصبح من طبعي أفطر فوق قطعة حصير=والليل مع فكري أقطع صك جٌزر القمر
عن واقع الحال مالي في حياتي مطير=إلآ لو أملك عصى موسى: ودرة عمر
مدي أنا الصح والعربان عكس المسير=وإلا أنا المخطي اللي سار عكس الممر
تلزمني شروط حتى أصير شاعر كبير=وأصنع بيومين مالم : تصنعون بـ عمر
ألبس ثياب الخداع ولعترف بالضمير=وأشجع اللي على الغرات يطمر طمر
وانا موجه رساله للغني الحقير=مير أنصتوا لي ثواني ماعليكم أمر
ياخي لا تضحك بوجهي هاتها من الأخير=تمكر كما الثعلب وتلبس ثياب النمر
أنا مع أهل المراجل أملك أسمً شهير=مصنوع من جهدي ولآ ناش فكري ضمر
ما أحب أصافح صغير القوم قبل الكبير=ولآ أحب مدح الثمر من قبل أذوق الثمر
ما أهتم في عالم الشهره وضحكة عبير=لو كنت شاعر وأهيم بلابسات الحمر
به ناس ودك ليا صافحتهم تستنير=تستغفر الله وفي أرض الحرم تعتمر
عن خوة مزيفين الهرج عايش بخير=ياجعل رجلي قبل تلحق بهم تنشمر
مابين نظرة غني وبين شرهة فقير=تعبت أبرد خفوقي فوق قطعة جمر
|
