|
ياحي هاك الملاك اللي سطع نوره=كنه يمسي علي بعيد ميلادي
****
اقبل يجر الخطى بالصوت والصوره=يتل خطوة قدم رجليه بعنادي
****
الورد هام بهواه وفـاح بعطـوره=والمسك والعود والريحان والكـادي
****
كل المشاعر تراقص شوق بحضوره=حتى البلابل تجلى صوتها الشـادي
****
شفته وشفت البخت يسكن هدب حوره=الرمش الأسود على الخدين متهـادي
****
حين التفتبـي لعبـي لعبـة الكـوره=زلزل كيان الغرام وضاعـت ابعـادي
****
ساحر زمانه وانا اللي صرت مسحوره=اهيم في عالمـه مـن وادي لـوادي
****
يانور كل المكان وشمعة احضوره=لا تبتعد ياغـلاي وغايـة مـرادي
****
عليك روحي من الهجران مخطوره=لارحت روح هناي وضاق بي مادي
****
لاو المدينه بضول الناس معموره=احس كني لحالي بالخلا غادي
****
إوالله اهواك ياللي محدثاً ثوره=في عالمي لين ضعت وضاعت ابعادي
|
