|
قالـوا بعيدين النظـــر واهــــل الادراك=نصـــــايحٍ لأهـــــل العقــــول الفهـامي
لاتمــــدح اللي مافعـــل طيب حــذراك=لازم تأكــــد قبــــل نطــــق الكــــلامي
والمجــــد عــــالي منزله فوق الافلاك=مايكسبــــه الا رفيــــــــــع المقـــــامي
واعــــرف طــريقك قبل تبــدأ بممشاك=وحــــذر من دروب الزلل والهــــدامي
واذا جفــــاك الوقت مع ضيــق دنيــاك=انــص الرجــــال الطيبيــن الكــــرامي
وان طبت من طيبك ومن طيب مجناك=توفيـــق من ربـــك. لك الحـــظ قــامي
قالــوا وقالــوا بس لازالـــت اخطــــاك=تمشـــي علــى درب العتــب والملامي
الهـــــرج ماهـــولك نصــــاك وتعـداك=للـــي لهــــم بالطيـــب راس السنــامي
جيتـك وانا اشــوف المطر في محيــاك=واقفيــت من عنـــدك وانا حيــل ظامي
اثره ســـراب اللال مستــوطن حمـــاك=عـــــد الضمـــا دايـــــم وروده حيـامي
لاتحســـب اني راجـــيٍ جـــود يمنــاك=لاوالـــذي يحـــــي رميــــم العظـــامي
حنــــــا ربينـــــا بالمعـــــــزّه بليـــــاك=وماننخـــــدع لو يكبــــرن الاســـــامي
ماننثنــــي لو دربنــــا كلــــه اشـــــواك=ونقطـــع بنــــور الرأي ليـــل الظلامي
|
