البارحه / مابين / طارق ومطروق = والليل يدعم / من همومي سواده وآخذ من الماضي / تواريخ وحقوق = واصفّهن / صفّ الحرس / للقياده واشري رضا نفسي / بعشرين مطفوق = اللي هدفهم / يفرضون السياده تعبت اجامل / واسري الليل مخنوق = غيري ينام / وجفني السهّر صاده اسهر ولابي حيل / والفكر محروق = ماغير يلململي / مخيخي رماده ويعيد تكوينه / على اشكال وفروق = انماط مختلفه / ولاهي معاده جميعها تنبأ / عن جروح وفتوق = وان طبت جتني / بالبطيء الاعاده وطاروق يطرقني / واطقه بطاروق = وارجع ادور / بالطروق القراده ماجيت الفت بالشعر / كل مخلوق = اخذت به من عام / 100 شهاده لو كان ثوبي عندهم / صار مشقوق = فالثوب عند الغير / نال الاشاده لي مركزا عند الاجاويد / مرموق = ولاهمني / راي النذل وانتقاده

أدوات القصيدة

النسبة 3.67/5 (3اجمالي)

• 1
• 2
• 3
• 4
• 5