حباً بدى بالزيف ينعاف.. ينعاف=طرد المقفّي شيك ماله رصيدي خدعتني بإسلوب كاهن وعرّاف=وانا الذي من قبل أعرف شديدي أسهرتني بالليل يوم الدجى ضاف=وتنام ليلك في مباتك سعيدي غطّوك بالديباج وفراشك لحاف=وآنا فراشي شوك فوقه حديدي تركتني في مركباً دون مجداف=ماغير أصارع حرب الأمواج بيدي ناديت! وين اللي للأرواح قصّاف؟=الموت الأسود صار مثلك عنيدي يهون عندي من حوى رجله اكتاف=مهدور دمه والأمل له بعيدي حكم عليه الشيخ بالظلم ماخاف=أصدر قراره وأرسله بالبريدي وجابوه للقصّاص والناس وقّاف=وشله بسيفه..وإنقلوه العبيدي وأنت الذي بالعدل ماتعطي إنصاف=ولاترحم اللي شال حبك وحيدي همك بقلبي لو درت له قرى كاف=صاحت وتطلب عونها للصعيدي خلاص نايل عاف كل الذي شاف=وقرر يزيلك من جميع القصيدي

أدوات القصيدة

النسبة 4.29/5 (7اجمالي)

• 1
• 2
• 3
• 4
• 5