|
قـم يانديبـي سوكيـف النشامـا=واحرص عليه وقنن البن والهيل
كيفـآ يقـدم للرجـال الحشامـا=اهل الكرم والجودواهل المعاميل
واحرص بحمس البن نقد الكلاما=خله وسط لاهوخفيفـآ ولاثقيـل
ثـم اتركـه يبردبهـاك الوقامـا=عشرة دقايق كان بالوقت تعجيـل
ودقه بنجـرآ صارمـآ مايضامـا=ودنّه لمى يجذب عليك الرجاجيل
وهات الـدلال الغاليـه بالقيامـا=اللي بشوفتهـن تزيـن التعاليـل
اللي لهن عند الرجـال احترامـا=ومحشمات عن العبث والبهاذيـل
وحطه على القمقوم واحذرتلامـا=واقدرله المـاء لاتعليـه بالحيـل
خله قـدر دلـهّ ونصفـآ لزامـا=هذا مقاس الكيف بالقدر والميـل
واسحبله الجمر المنفـد ركامـا=وخله عليه وغيبتك عنـه لتطيـل
والياطبخ واحكمت طبخه احكامـا=شله وجنب به عن النـار تنزيـل
واليا ركد زلـهّ عليـك السلامـا=في دلتآ فيها من العـود والهيـل
وقرّب لها جمرآ لنصف الحزاما=وحذراك لاتاخذ على النار تطويل
ولّم قدوعـك للرجـال الكرامـا=واللي يتوفرلك معه بالمحاصيـل
وشل دلّتك واقصد كبير المقامـا=وعطه المهّيل في جديد الفناجيـل
ودرها على المجلس بكل احتراما=واكرم ضيوفك بالرحب والتهاليل
هذي سلـوم جدودنـا والقدامـا=وافي كرمهـم واليالـي مقاليـل
واليا توفرلـك سميـن الايدامـا=اذبح من الخرفان واذبح من الحيل
ترى الكرم ماهو تجـاره تسامـا=ولاهو تصّنع بالحيـل والتماثيـل
ترى الكرم وهبة كريـم الكرامـا=اللي خلق بامره لنا الصبح والليل
|
