الرجل في شيمته يعتز فيهاكل حين=اما الى منه فقدهاحالته يرثالها والرجل صلبآ صبورآللشدايد مايلين=فوق حمله لرتكى لحمول غيره شالها والرجل بموردينه مايهين ويستهين=يدي الواجب لدينه ويتقي جهالها والرجل موقف اوقفه والى بدى الموقف يبين=والى حمى وقت المواجه يعرفون رجالها والرجل لاشفت زوله لايغرك فيه زين=لاتحكم على الرجال بشوفتك لااشكالها الرجل بخنه دقيقه والرجل معدن ثمين=مايبين لك خفاه الا تفك اقفالها والرجل يعزنفسه مايصيرالهارهين=مايطيع النفس رجلآغيريشكي حالها والرجل على الامانه يستدان ويستدين=يحسن النيه بقلبه وهامته تقوالها والرجل راعي ابيته ودايم الراعي فطين=يمسك زمام الرسن والخيل من خيالها والرجل هرجه صحيح ولوعلى نفسه يدين=ينتبه لحساب نفسه قبل رصداعمالها والرجل ماكل هرجآياخذه علمآيقين=ياخذ الموقف بحكمه ويهتدي بامثالها لايغرك من يقول انهم بعلمه واثقين=ولايغرك بالسحايب شوفتك لخيالها وكل دربآمتعرف به اسئل اللي عارفين=المثل قال اسئل اللي عارفآباحوالها

أدوات القصيدة

النسبة 3.5/5 (2اجمالي)

• 1
• 2
• 3
• 4
• 5