|
ياغالي الذوق عندي مابقا ..غالي= شملٍ تفرق وكلٍ راح.. في دربه
شملٍ تفرق ولحق الاول.. التالي= في موكبٍ يستحيل امشي ورى.. سربه
لا الصوت صوتي ولا الموال..موالي= وش لي بحياً يكدر خاطري.. قربه
من حقي ادله واقضي وقتي..الحالي= مرتاح في وحدتي واستانس.. الغربه
اشوف شربي ضماي الحالي.. اشوالي= من عابراً لوسقاني ماه.. مااشعربه
منظر سراب الضما ماهز..فنجالي= ولاني فراشٍاً يطيح بواهج.. العربه
يروق لي منزلي بالمنزل.. العالي= لو حطني بين حد السيف.. والحربه
ويصغر بعيني فضولي لو نقص.. مالي= واكبر واكابر بعز النفس .. واكبر به
وإن شانت الحال وإلاّ زانت..احوالي= ماهين نفسي بوقت الهون.. والكربه
انا طموحي تجاوز مستوى.. هالي= حتى لون الزمن والحظ..قصّربه
ياغالي الذوق ذوقي فوق.. بالعالي= مثلك احبه ورب البيت.. وافخر به
|
