|
جيت انقل الضيقه وادوّر فضا.. البال
=في حي كانوا يسكنونه..هللّي
* * *
حيٍ غدر فيه الزمن واكثره..زال
=واللي بقابه موحشٍ ..مستذلي
* * *
لعبت به الدنيا من الجال..للجال
=شكله غريب ومظهره ..مايسلي
* * *
وعانقة مع حزني غرابيل..الاطلال
=ياليتني ماجيت من راس..كلي
* * *
ياعين هلي صافي الدمع..همال
=هذي حلاة الدمع ياعين..هلي
* * *
من فيض غيضٍ حركه ضرب..زلزال
=فيه الظماير تحترق فزعةٍ..لي
* * *
ابكي على الماضي ترى الحاظر..اهوال
=تكرمي بالدمع ياعيني..اللي
* * *
مستنكره فعل الردى برق..واخيال
=يومن ميدان الجفا زاد..غلي
* * *
صحيح مايصبر على الظيم..رجال
=مير المصايب بعضها..ماتحلّي
* * *
لاصار. ردة فعلها ورث..الاجيال
=ماياخذ المبلي من الحق..ملي
* * *
اشوف واسمع واتسلى..بالأمثال
=واجاهد العبره وانا في..محلي
* * *
بعد النظـر ومصافح الود..مازال
=يبرا .لظلي لوتناكرة..ظلي
* * *
ياحي سامحني ترى البعد..غربال
=إذاسألتك وين ياحي..خلي
* * *
الصاحب اللي شال مع مركباً..شال
=وين انتحا ياحي بالله..قلي
* * *
عليه قلبي بين الاظلاع..يجتال
=جول الحمام بنايفاً..مستظلي
* * *
ينوح نوح الورق بقفاي ..واقبال
=حين العصير. الى رقا راس..تلي
* * *
ياحي احبه واعشقه عشق..الاطفال
=للعب يومن المطر..يستهلي
* * *
ياحي انا ماهمني كثر..الازوال
=ودي بشوفت صاحبي..لوحصلي
* * *
بس انت قل وينه وانا اشد..رحال
=لو اتعذب برتحالي..وحلي
* * *
اباصله لودونه المنتحي..حال
=واهد سور البعد لعيون..خلي
|
