حين المساء في خاطري هب تذكار=وابحرت بوراق الزمان وخلطني بمواج يدفعها كما طالب الثار=والله مدري وش غدى له ابطني لاعاد ماني من قصيرين الاشبار=ولاقلت للي باع بالسوق عطني نفسي عزيزه تكره الذل والعار=في عرفها سهم الحيا مافرطني واكبر خطاي اني بعض حين صبار=اصبر لو الجراح موسه شرطني ماهي مذله مير للصبر تعبار=يدري برده كل من كان فطني الصبر مفتاح الفرج سر واجهار=حتى ولو طوله مع الوقت يطني ومن خوف تقصر هقوتي بعض الافكار=رفعت فكري فوق صرحاً بسطني اكتال من غالي معانيه واختار=ولالي مع الهزلات تلعاً وشطني ولاهمني خبلاً مع الناس هذار=حتى ولو بالمدح مشطه مشطني لي بالوفاء وقفه وبالعرف معبار=ولو مربي بحر المشكه قرطني مايقبل امثالي ولاله معي كار=وموجه عجز من راس لا يلتقطني بالنيه البيضاء تحديت الاخطار=عن الشوايب لونها لون قطني بيضا كما شمس الضحى مابها انكار=وياكثر محروماً عليها غبطني افخر بها واختال مع جمع الاحرار=اللي بهم صدق المشاعر ربطني احرار عرف وطيب واحرار شعار=وراع البصيره يفهم ابعاد رطني

أدوات القصيدة

النسبة 3/5 (2اجمالي)

• 1
• 2
• 3
• 4
• 5