رائعه ألقاها شاعر القبيله في الحفل الذي أقيم في محافظة القريات تكريم للأستاذ احمد المصايح والذي عفا عن قاتل إبنه لوجه الله سبحانه ابدي كلامي في تسلسل وتهذيب=وخير الادب وزن القوافي بالألحان دام الوطن عاش الملك مركز الطيب=رمز العلم صقر العروبه كحيلان غيث الندا عدلاً اسنينه مخاصيب=فضل ابو متعب وابل المزن هتان يمناه تسقي صافيات المشاريب=عن الضما وتصرف على كل جيعان ضلاله لشعبه عن سموم اللواهيب=في موطن البيتين في امن وأمان يحكم بشرعاً نزله عالم الغيب=عدلا وزن مابين سنه وقرأن وحنا علينا من تمام المواجيب=من الوفاء نخص بالشكر سلطان منا لابو خالد تحيه وترحيب=ولي عهد المملكه عالي الشان يسعى بخيروماضياله تجاريب=باصلاح ذات البين من بين الاخوان اما يجي والا يجون المناديب=يعطون سيف الحق ويرجون الاحسان وفهد أمير الجوف في حسن ترتيب=جاب الرساله حين ماوقتها حان حراص ليا صارت عقدها مناشيب=يحلها وكم صعبة امرها هان حيث إستجاب احمد كرامه وترغيب=قدر وفا لسلطان ماهي بالأثمان وفي دورنا نشكر قليل العذاريب=أنا أشهد إنك يابو ماجد بليهان ماهو غريب يوجد الطيب بهديب=ابن مهرمس جدكم وقت الاكوان يذكر جنابه فوق شيب المحاقيب=خذى النضا على قعوده وضيحان زدنا فخر في واجبك للمعازيب=الي لهم عند الاجاويد ميزان عيال الملوك الي رضاهم مكاسيب=أمجادهم تذكر على طول الازمان ابوهم الغازي على شمخ النيب=مثل الاهله كنهن جول غزلان شهبا سباسيبا وحيل نبانيب=أرقابهن يلفح هدبهن بالأرسان مسراه من بحر شمال النويصيب=متيمما قصر نزل فيه عجلان وشاله بعرقوبه بعطب المضاريب=والباب والشلفا شهوده إلى الأان حراً خذا ملكه بحمر المشاهيب=ودانت له العربان حضر وبدوان في صالح الأسلام خيله مهاذيب=وساد الجزيره بالزوايا والاركان بنت الخبا كثرو عليها الخطاطيب=وعيا بها غصباً على فلان وفلان الحق تبراه السيوف المحاديب=خوف وطمع وأسلم به الانس والجان وحنا لنا ولشيخ عندك مطاليب=وجينا ولاقصرت ياذرب الايمان حسين من طيبهوحسن الاساليب=خلا لنا مدخل على الذيب سرحان رضيت وأرضيت الشيوخ المناصيب=والكل منهم راح بالعلم قنعان الحي والميت عيال المناجيب=وعفيت مازدت النواقص بنقصان حليت عقد المبهمات المناصيب=وفرحت ربعك بالهديه لسلمان ربعك هل الطولات حماة المراكيب=اكرام بالفطره وبسيف فرسان على شرف ومنزهينن عن العيب=تمدح فعايلهم على كل ميدان لنا الفخر من دون شك ولاريب=الناس مثل الناس من غير حقران ؟؟ البيت مايبنا بليا مقاضيب=وحنا بنينا بيتنا والبنا بان؟؟ مساحته من جال تيما على البيب= المعترض مابين صيداء وضهران؟؟ ومن نقرة اللبه إلى البير تغريب=ماحدته حسمى إلى راس حوران؟؟ وادي النعيم العوهلي مشرب النيب=روافد مابين عالج وعمان ملك لنا ماهي عطا من الاجانيب=اصكوكها كتبت على مطرق الزان سكنا اساسي ماوطيناه تهريب=جدا على جدا خلود بالوطان ماعاش فيها الحر لولا المخاليب=صيدا قليل وبسما حوم عقبان لولا طعنا في مناخ القصاصيب=لقيت ماضي علمنا في خبر كان ماظن تملا لضعاف المحاليب=ولاقيل خلي للمساكين مسكان ولاأظنن نرضى من يحش العراقيب=مادامنا في قمت المجد عنوان ماهمنا شذب العرب بالمشاعيب=ولاتقبل الحكمه على كف شيطان كم جاهلاً يرمي على غير تصويب=لاساتر نفسه ولاصاب نيشان والي قرا الاطلس بعلم الكتاتيب=غير مفاهيمه إذا كان غلطان حنا بني مكلب وكلاب وكليب=سربت قضاعه ساس جرهم بقحطان؟؟ على الفخر مانستتر بالاكاذيب=بالبيت عنواناً وبالارض برهان من يجهل التجويد يفهم بتعريب=يكفيه مايسمع وتمييز الالوان طير السعد من فوق روس المراقيب=والحيه الرقطا على راس برمان طير لنا وكره بعلط الشخانيب=بالمرتفع صعباً على كل شيهان يادارس أحوال العرب بتجاريب=خذ العبر مما تشوفه بالاعيان يكشف خداع مزيفين المكاتيب=ومن يجلب الماسوم باعه بخسران ختام حرفاً من ورا ذاك تركيب=رسماً تفاصيله على لوح فنان

أدوات القصيدة

النسبة 3.38/5 (16اجمالي)

• 1
• 2
• 3
• 4
• 5