|
يقول من عدى على راس جالا = ان شاف من سمر الليالي مغره
يا جر قلبي جرة(ن) بانفتالا = على عسر ما سانعه من يجره
يا دار ملهوف الحشا وين شالا = بالله ردي لي خبر عن مقره
قالت لي اصبر قلت ممن احتمالا = الصبر ما اجد منه مثقال ذره
الصبر حر ومر ما ينتوالا = يرخص عقابينه مداخيل شره
قالت طلبت ومطلبك يستحالا = لا قريب(ن) عهده ولا فيه جره
وجلست ماجد حيل ولا احتيالا = في مجلس(ن) كنا جلسناه مره
ذكرى بعد ما ذقت غدر الليالا = وميزت بين الوقت حلوه ومره
ودمعي ذرف من موق عيني وسالا = عليه حيثه صار للعين قره
عليه ونات الضماير تتالا = جرح(ن) بليا صوت قايست حره
ياليت بين العاشقين اتصالا = وياليت مرسولي يجيه ويمره
ابو جبين(ن) ساطع(ن) كالهلالا = مع برق ساحاب(ن) بدت فيه غره
وشقر(ن) على هاك الردايف توالا = وخصر(ن) نحيل ومبسم(ن) تقل دره
شوفه ربيع الحال عقب المحالا = وبعده عذاب وذقت بيه المضره
والامر بيد الله جل وتعالا = ولا احد(ن) على مقسوم فكه مفره
|
