يالله سترك ياعزيز ارحم الحال=لاتزيغ عقلي ياثقيل الموازين يابن رباح اللي من المدح مكتال=يامكرم الخطار ريف الضعافين ياليت عمرك طايل(ن) كل الاحوال=ياجامع التقوى للحسان لدين ماني خطيب(ن) قارين(ن) ماقر بلال=تقول أفد ربعك عساهم عزيزين من جاك بمشياً ركضله بذومال=ومن جاك بباعاً ركضله بباعين ومن لايودك لاتعذله ليا مال=ومن لاستشارك لاتشوره على شين ياراكب عوصا حليات الأقبال=مثل إنخضاب موردات الشياهين معربات مجودات أصل وحيال=زود الثلاث إليا تشافيت ثنتين إن ريحوهن شد الأرسان زرفال=طفقات هن واللي بالاكوار عجلين رسلاً من العزام ماضين الأفعال=عوق العديم وهم بالأشوار عاصين؟؟ ويلف(ن) بيوت به مسايير ورجال=من عاشق لعماش لبن الدعاجين؟؟ تلقى المولم حين ماقبلن فنجال=وعلى الصياني روس مثل النياشين يصلح لمجلسكم حديث وفضا بال=وحنا بعز اللي ذكر تو عزيزين ترى النصايح قبل يشر(ن)بالأموال=واليوم فايدكم نصايح بلا شين!! (وانا لكم بكل الأعلام مرسال=أيات عز رجال ولا مساكين) كم عقلة مضى بها كون وقتال=مالكم ديار غيرها ياغشيمين بنت(ن) ذبايحها من السرد ورجال=ولعب(ن) عليها لون طق السدادين حامين حد اطرافها ماضي الأفعال=يوم الجهاد لكبت الدم ضارين ((أشرف على المصباح وبراس ماطال=غز اللواء كان الشرارات حيين)) يلفن بهم نوضة قطانا إلى جال=كيد الجهاد وهم على الضد صلفين قل وشلونكم ياعزوتي كيف الاحوال=علمي بكم وقت اللوازم شديدين ديرة وطنك إلى العدو دونها حال=مثل مراعي عشقته مع معادين؟؟ فاتت يده منها حذا الغبن!وش نال=لاواحده لاذيك لاهي بدل شين قل ياشيخ فيها أهفينا الارقاب والمال=ولولا طعنا ماتنتهم لها الحين ((وادي النعيم فراشكم زل وضلال= ورث لأهلكم من خلقتو لها الحين)) ديرة عمار وبالمرى مالها امثال=مالها ثمن لو حط بيها ملايين!! تخرج ثمر دبس وسمح على جال=ميرا يعجب ماوطا به فدادين وماها شرع تدلاه بصطل وعقال=أبنو بها رسمي قصور وبساتين اليوم طبت به جنود وشغال=من غرب نجد ومن مشرق فلسطين والقضب ينحا القوم بدور الأجهال=وتراكت المقضب يروحون لاجين! والشور وين اللي يحطه على البال=ماينفع التايه ليا قال ياسين شوفو إلى زرتو حجيجا على فال=حقاً عليكم ترجمون الشياطين نجماً وراكم سهل الضلع والجال=تخدم له الإنسان لوهم بعيدين إن غاب غيبات القمر وإن مضى هلال=وإليا حضر ضو القمر قبل عشرين ياعادل الشور الدليلي إلى مال=يامطوع العاصي دروب القوانين عبدالعزيز بعز الأله مازال= لاولاه من عج المعاصيرسافين اركز بجو دارك من كثر مايفال=من الذل ماتلقى عليه المقيمين النبك للي خابره قبل ينهال=أسواق وقصور وغرس ودكاكين من عقب ماهو عج ماخذ ومجفال=مثل البساط مشاكلاً بتلاوين وابو عبدالله يوم حطه على البال=بنات به الجامع لأجل المصلين من الغرب يري والشمالي والأقبال=وحتى عن الشرقي اذرانا ودافين وامن به اللي قبل باليل يشتال=الله يعز معز الاسلام والدين له جلستين الصبح والعصر بضلال=الله يساعدهم ملوك وسلاطين ماحداً يعارض نشركم لوهي اهمال=وانتم بضل سيوفهم مستريحين وأرسل لكم قبل التفاويت مرسال=على بلدكم كل الأجناب مشفين يطلبه الأيدى وابن شعلان من جال=وعيى بها من شانكم ياسويدين وعند السدارى ماحداً دونكم حال=حضية ابو لوهو عياله كثيرين ماجاه عناز ومعاز نزال=ولاشربو الفنجال به مستريحين الأرض ملك ودشرة لون الأهمال=مال الضعوف اللي عن السنع غادين وإن عمرت تحفلت بأجمل الحال=مثل الهنوف مجهزه بالقفاطين لاتابعون برايكم خطو الأنذال=خبل يموت ألو تهج البعارين وأشوف انا مع تالي الورد رجال=عقبي ووده عن مطبي ينبين!! ياصف لنا المشروع والله ماقال=وحنا على مايقسم الله راضين ولو بعد يصفي لنا منك الأذعال=نعطيهم العاده وهم الخبيرين (((ويومنك بالوادي مع الاخوان صوال=من شفت به غير الشرارات الأدنين)))

أدوات القصيدة

النسبة 1/5 (1 اجمالي )

• 1
• 2
• 3
• 4
• 5