ياوجد حالي ياخوي المناعير    وجد السجين اللي يصفق كفوفه

ممسوك في جرمه وممسوك تعزير    ومن يومه الموعود يزداد خوفه

على الفياض القفر وملاعب الطير    وتونسة روحي بهده وشوفه

إلى حدرها بأذن رب المقادير    من بعدها بالعين دوبك تشوفه

وراد من كبد السماء كنه الزير    كبده على فجة نحرها لهوفه

وزفوا على صيد الفريد التباشير    وبالأجهزه قالوا عساها مخلوفه

إلى نتف من ريشها وبذه عصير    ماني على الباقي كثير الحسوفه

والله يالولايه أخاف التعازير    وهواه وتعلق خفوقي بشوفه

لشريه لو زادت علي المخاسير    ولا تردني عن فك سبقه كلوفه

النادر اللي ماقنوه الصقاقير    بجبال فارس نادراتن وصوفه

اخاف ياخذني بعشقه عن الغير    ويزيغ قلبي عن محبة هنوفه

بنت الاصايل ناطحين المسايير    اللي بصكات الزمان معروفه

اللي لها بالقلب حشمه وتقدير    أم الحلا اللي ذابحتني وصوفه

هي راس مالي بالهوى والمخاسير    والذكريات اللي علهيا حسوفه
جميع الحقوق محفوظة لــ
ديوان شعراء قبيلة الشرارات

http://www.banymaklab.com/poem/